AQO 五年一檢關你咩事

1) AQO 五年一檢有幾重要?

CAN 成立以來一直跟進，政府先至係2014年收緊空氣質素指標，如果唔係大家要等多 26 年，空氣都追唔上希臘。

希臘 2014 年的 PM10 及 PM2.5 的水平分別係 23.6 同 21.4 微克／立方米；香港 2015 年既的數字分別係 38 同 25 微克／立方米，數據來自一般監測站水平，一定低過路邊水平。

2) 魔鬼在細節

雖然政府首次推動五年一檢，但大家要睇實細節，如果唔係五年後又會原地踏步：

• 政府文件話會成立一個由環保局副局長率領既工作小組，並接觸唔同團體，但究竟有關工作小組係如何運作？會唔會包括民間團體，定係只包括對政府友好既商會及專業人士？
• 而家只係講緊要成立五年一檢的機制，要去到 2018 年年中先至會有公眾諮詢，會唔會已經太遲？拖延至 2019 都未完成？
• 層級問題 — AQO 只係講緊係「合理切實可行範圍內」達致空氣質素指標，由副局長率傾既工作小組會唔會唔夠牙力，俾其他政府部門反對，最後檢完仲係唔達世衛水平？

3) 你吸緊咩空氣?

• 二十年以來既路邊空氣污染水平指標 — 二氧化氮水平，從未達至世衛標準；
• 香港用緊既水平，叫做「世衞中期指標」，唔係世衛標準，呢個差距造成既影響，包括短期的死亡率上升約 2.5-5％ 、長期的死亡率上升約 15％ 、早逝風險較高等等。

4) 你可以點做？

• 密切關注 AQO 五年一檢進度，要求政府收緊指標至世衛水平；
• 支持 CAN 的工作，共同監察工作小組的組成，訂立公開透明機制，確保指標有效保障市民健康。