立場新聞 Stand News

冰室的 meal、view、feel

2020/6/11 — 12:50

作者提供

作者提供

【文:local9up】

其實小編(Local_9up)我認為去一間鋪頭食野,係分三種 ─ 分別係食個 meal、食個 view 同埋食個 feel,網上好多時會有人批評冰室,話佢地既食物(meal)只係一般唔值得幫襯。

小編就唔太同意,要知道冰室既價值唔只係得個 meal,而係喺其他地方! 

廣告

冰室係香港四、五十年代就已經開始出現,到依家仲有經營既冰室既,佢地裝修大多數都由開鋪保留至今,好少改變。天花吊扇、入榫木卡位、透明廚櫃、馬賽克地板同牆身。而呢樣野就係冰室最大既價值!

廣告

因為個裝潢幾乎無改變,即係話你今日入去同你細細個入去個陣既環境都幾乎無改變過,一踏入去個 view 同個 feel 就已經同其他餐廳完全唔同。去冰室會令你勾起以前同屋企人、同朋友聚首一堂、男女朋友拍拖等等既生活回憶,係陪住你見證住你成長既地方,承載住香港人既集體回憶!

冰室可以話係作為一個由「現今」連接「過去」載體既地方,所謂「呷一口紅豆冰,作一個半世紀的相遇」就係依個意思。即使其他餐廳個 meal 好食到巴黎鐵塔反轉再反轉都好,都無可能會有冰室帶到俾你既效果,所以冰室並唔應該單純用食物去評價,佢地個 view 同f eel 係香港獨有既情懷。

加上冰室作為一個貼地空間,係大眾小市民日常都會去休息聚會食野既地方。冰室只要繼續經營,繼續存在,就已經有保育、傳承香港歷史既作用,政府唔需要特別去做任何野,就已經有一個地方代表香港人。

其實用貼地既冰室跟離地既保育決策做比較,就更突顯冰室先係真正屬於香港人嘅地方。先唔講政府個「歷史建築評級制度」有幾廢,就算係真係落手做既保育都搞到不倫不類,而且非常噁心!例如和昌大押原本係一個窮人要拎野去當先會入去既地方,而家變成叫 The Pawn 高檔食肆,咁樣已經同當初建築物既歷史意義背道而馳,而且究境有幾多香港人真係去過個到食過野?!而前水警總部又要懶係 high class 改個叫 1881 Heritage 名 ,仲要係斬完百幾棵樹改建而成既保育!而黎呢度既人,大陸人多過香港人,真係想問句,究竟保育既價係為咗賺錢定係為咗記住香港人歷史?而保育既地方究竟係想俾咩人去? 

後記,見到 Facebook page 全民保育行動 post,原本係中國冰室既馬賽克裝飾同木樓梯已經全拆,真係希望大家唔好等消失先黎珍惜。請大家好好支持仍然營業既老店。想知道更多老店資料,可以 follow 香港老舖記錄冊 Hong Kong Historic Shops Facebook 同 IG page。

作者 Facebook
 

發表意見