立場新聞 Stand News

國旗區旗印LV袋拎去賣 連卡佛上架兼售罄 設計師無畏定無知?

2020/7/9 — 19:11

不得了!阿叔我雖然從來都唔係潮流達人,但今日都被呢件啡唇界嘅新聞震撼到!

連卡佛,一間港資英式百貨,今時今日竟然咁勇,擺出中華人民共和國國旗同香港特別行政區區旗「惡搞」的產品。唔好問我佢幾時上架,但我今日見證住佢喺今日下晝賣曬!

呢個袋,係出生於比利時、活躍於香港的設計師 Jay Ahr 嘅大作。一直以來,Jay 哥喜歡買啲名牌包包返嚟整色整水,其中一個好出名嘅系列係將國旗人手刺在手袋上。唔只中國,不是針對,英國、牙買加、日本的國旗統統都繡在包包表面,反映國家美學特色。拎住喺手,簡直係國家尊嚴的體現,應該會自豪感 Up!

廣告

中國的包包,不單有星星圖案,更有寫上五個星字的設計,充分反映中華文化優良的傳統。香港的包包,大大朵洋紫荊在正中位置,加上中式窗花的回紋,優雅到不得了。阿叔我十分敬佩,而且仲要係手工刺繡,實在唔簡單。

廣告

但嗱!咪話叔叔唔提你,鬼佬唔係大曬㗎。你再再 creative 都要尊重法律,國旗區旗是尊貴的存在,唔由得你咁樣亂咁舞。而家《國安法》講到明,地球人都要尊重中國,「顛覆國家」嘅人唔理國籍都係拉得㗎!唔係講玩㗎!國旗區旗兩個款,各有 50 個包,賣成 9 皮嘢一個。我頭先 4 點幾睇仲有得賣,去到 6 點幾就賣曬囉!設計師、各位消費者,大叔提提你,管有「港獨」旗拉得,管有「國旗區旗包」⋯⋯我唔敢想像會有咩後果。阿叔都係做吓好心,提提大家,切勿以身試法。

摸腰坑禾,禾痕埃果滴!

發表意見