Rosina

Rosina

非牟利機構工作十多年,自覺係好人一個,愛生活,愛自由,希望簡簡單單開心過日子。

2019/8/15 - 9:54

不割蓆,和理非進場經濟信心戰

圖片來源:skitterphoto.com

圖片來源:skitterphoto.com

香港人要蠃,面對冷漠鐵了心的政府一定要齊心,兩個多月來種種抗議行動都試過,就係做得太好才引起克警報復式濫用暴力。 813 機場示威者對懷疑別有用心的內地人士行為,我不贊同但絕對理解,就似(O 記)高級警司李桂華話「不完美但可接受」。不要忘記,抗爭者早前幾日才被出賣,捐失慘重,一直以為係齊上齊落的兄弟原來係卧底喬裝的鬼,專門挑起暴力事端,引人犯罪。每次發夢,身邊的人係人定係鬼?抗爭者一方面惶恐,更被憤怒情緒蒙閉。今日重看片段就知道係一個寫好的劇本引前線跌入陷阱,普通人被咁多人圍住,唔大叫救命要報警,反而冷靜咁講「我支持警察」,就係要攞記者影的片段來做文宣,讓示威者變成鏡頭下的暴徒。

悲劇已成係難過,但反而比前線一個清醒腦袋的機會,從錯誤中學習新方向,大家面對的是一個不顧廉恥、用盡卑劣手段對付人民的政府同警察,我地必需要冷靜,不要把淺黃淺藍送到藍營去。

前線需要冷靜,係時候和理非進場接力,政府不停講經濟下滑,但無話你知全球都一樣,直至今日,香港的樓價物價仍未見跌,卻將矛頭指向示威者。既然林鄭講經濟,和理非就由呢度開始。

廣告

現時有兩個合法地支持港元的行動:

816 全港撳錢同樂日

星期五在銀行提款出來,利用大量存款變成現金,換成外幣更好,俾壓力香港個金融體系。(查查查映嵐追加 post

 

814 開始《和理非拯救經濟方案》

林鄭月娥聲稱經濟將會逆轉,大家由今天開始「每人」「每日」就在銀行提取 $5,000 「拯救經濟」,第一階段為期兩星期,提款後請連同金錢寫上訴求,並將相片上載 FB 呼籲更多人參與。

溫馨提示:大家呼籲朋友提款「拯救經濟」並不犯法的,而提款後因為政府和黑警惡行不滿,失去消費意欲也是人之常情,最後將金錢存放在屋企也是理所當然。另外,大家若有時間的話就請排隊提取,大家唔敢上前線,就當為年青人排一陣隊也是應有之義。還有一個重點,當大家一齊排隊提款「拯救經濟」,你估班藍絲會唔會一同參與?大家一起「拯救經濟」,別再讓年青人受傷!

最後,不要被警方的語言偽術欺騙:

「喬裝」 — 其實係卧底,鄧二哥話卧底不會做非法的事,勁過司棋姐嗰句「我話係就係,唔駛證據!呢度唔係法庭,唔需要證據,我對眼就係證據。」

「摧淚煙」 — 其實係摧淚彈,唔只氣體有毒,不依規定發射,彈射到人身上的撞擊力一樣會引致嚴重受傷或致命,何況係過期毒氣在民居地鐵亂射?

「鐳射槍」 — 其實只係鐳射筆,刻意稱為槍,令人聯想槍械,加強暴徒的負面形象。

當媒體直播 live ,無數人即時看到現場情況,誰是誰非誰暴力,大眾都看在眼裡,政府仍將人民當愚民,一直大叫我睇你唔到,你都睇唔到我,真係七月鬼掩眼的小學雞。