假才子

假才子

比較政治碩士學歷,現為傳媒工作者。「假才子」是因為現在流行才子才女,但又沒人敢承認自己是假大空才子才女,故先行澄清。文章寫得不好還請見諒,畢竟我不是真才子。

2019/10/17 - 18:49

中共 vs NBA — 邊個主邊個客好難講

點解中共對 NBA 的恐嚇兩吓就收皮?因為發覺美帝的業界唔似香港咁好蝦,邊個主邊個客好難講。

美帝的業界在大陸有龐大市場,而且唔似香港嗰班得個口講但實情睇唔到有幾多個北上真係發大達,係入親去都即刻賺大錢,調轉頭睇,就係因為大陸人心底都係崇洋貨,有 demand,所以買賣先成立囉。一般商品或者有替代品,所以封殺一間公司啲大陸人可以轉買其他同類產品,但叫人唔睇 NBA 仲睇邊度籃球?大陸籃球呀?依個情況下人地根本冇替代品,所以佢先係有 bargaining power 嗰個呀。

依件事話比我地,唔需要妄自菲薄,表面睇好似佢出錢買起你,但只要無可替代,其實佢都冇得隨便中止依盤交易。香港呢,個別公司就冇依種必要性㗎啦,但成個金融中心地位,作為中國一部分但唔受外匯同外貿管制,對中共嚟講始終係未有替代品,所以講咗四個月嚟不斷嚇你出解放軍佢都係唔敢出囉。成日話上海新加坡,上海有獨立稅務協議,新加坡係大陸主場可以任佢玩咩?根本無法代替香港。亦所以如果西方真係威脅制裁香港,中共係冇得坐視不理。堅持下去。

廣告

 

(標題為編輯所擬)

作者 Facebook