立場新聞 Stand News

出路

2020/5/11 — 11:43

2020年5月10日,旺角衝突。立場新聞圖片

2020年5月10日,旺角衝突。立場新聞圖片

一日嘅資訊量,已經足以令人崩潰。

政治的本質就係力量,赤裸而不受限的力量,再加上大量的利益。佢可以打記者,拉細路,甚至係警署內做更恐怖嘅事,而且毫無後果。

呢樣野就係力量。

廣告

35+又好,國際制裁又好,係今日呢種情況其實根本毫無威脅,俾你拎到諾貝爾和平獎都救唔到一個被捕嘅人。

對手仲未出全力,我地已經嚇到郁唔到。

廣告

我地可以做嘅就係認清自己根本無能為力,咩都做唔到。然後再諗計去做,明知自己會輸都去做。而唔係相信有咩勢力可以打救到我地,同班黑警講咩「美國會凍結你班人財產」之類嘅野。

講真,係人地無左幾百萬財產之前,我地已經損失左太多不能補償嘅野。

我知好多人會問「咁你咩方法?」坦白講,係無方法無出路。但係明知無出路都去做,同以為有出路所以做,呢樣就係心態上嘅分别。後者會破滅落空,而前者可能都係輸。

但起碼係用自己雙手打過先輸。

好多人成日話咩準備抗爭,但係準備抗爭前,最重要其實係「丢掉幻想」。接受唔知可以點,接受無能為力,然後緩慢咁爬返起身。

做好自己的崗位,進步,堅持,唔好死。

發表意見