假才子

假才子

比較政治碩士學歷、傳媒工作者。取名「假才子」是因為潮流興才子才女,但又沒有人承認自己是假大空的偽才子才女,所以先行澄清。文章內容不好就還請見諒,畢竟我不是個正牌才子。

2020/8/8 - 21:11

問題唔係你鍾唔鍾意去美國呀傻婆

林鄭月娥 Facebook 圖片

林鄭月娥 Facebook 圖片

遭到美帝暴政制裁的林鄭,一如所料重覆 N 日前講過的,自己不嚮往去美國,所以冇所謂。

問題唔係你鍾唔鍾意去美國旅行呀傻婆。

係香港作為國際金融中心,個首長竟然係被美國制裁呀,變咗同北韓、津巴布韋之流同級,成班官員變咗同恐怖份子、戰爭罪犯同「呢」呀。

廣告

同埋固然你去唔到美國開國際會議,其他國家,尤其係美國盟友,就算冇制裁你都可能諗多陣係咪請你啦。

仲有美國商會同企業呢?見你會否被美國政府視為勾結外國勢力?喺香港都未必想見到你,同你有咩瓜葛呀。

你仲點代表香港國際金融中心出去見人呀?甚至,搞成咁,俾個咁嘅人代表,成個香港都冇哂面啦吓話?

仲有嗰個成日話要香港做國際調解中心嘅鄭若驊呀,依家你被美國制裁,出去講嘢仲有冇公信力呀?有冇人仲會想嚟香港做調解呀?

個制裁雖然係針對個人,但個影響係影響哂全香港,影響哂香港的國際聲譽呀,咁都唔明呀?咩你唔恨去美國就冇所謂,淨係識諗自己去旅行,你係代表緊香港㗎,你識唔識分公私輕重㗎?你學咩人做國際都會特首呀?

定係佢已經洗咗腦自己只係大灣區求其一個市長,以後只去大灣區就得?講真繼續落去,大灣區仲 show 唔 show 你都好難講呀。仲有嗰個諗到去私隱專員投訴就更低 B。香港真係冇陰公,有個咁嘅人做特首,有班咁嘅人做高官。

 

作者 Medium