立場新聞 Stand News

學成龍,方中信會變成咩警察?

2020/2/17 — 21:48

鄧炳強,圖片素材來源:《警察故事》

鄧炳強,圖片素材來源:《警察故事》

鄧炳強話:「唔識做警察,睇成龍、方中信,學吓學吓就識。」

首先,100套港產警察電影,起碼有99套有涉及嚴重違反警例情節。以戲論戲的話,無他,拍一個公務員,根本無戲做。但如果係裡面學點做警察的話:

成龍

廣告

警察故事系列- 陳家駒:
極盡英雄主義,無團隊精神,而且多次使用過度武力。但最有趣一點,係陳家駒不斷被上司董驃,林國雄,陳欣健利用簡單幾句說話愚弄或利用,使陳家駒的爛頭卒性格/ 敏捷身手發揮得極致。到第三集,陳家駒甚至已明白陳欣健董驃扯貓尾,都仲要「中計」。

至於用槍要脅上司(警察故事);毆打疑犯及其律師(警察故事);公眾地方毆鬥(警察故事二);唔錫女朋友唔細心(集集);危險駕駛(警察故事三),都費事講啦。

廣告

重案組- Eddie Chan:
明知自己精神狀態差,仍然拒絕休假,拒絕信任心理專家。到達台灣後,在台灣警察柯受良警告後,仍跨境執法。

福星高照- 雞骨草/鐵力威:
鷓鴣菜(洪金寶飾)對同在孤兒院長大的成龍反感,原因為——「細個一齊偷蕃薯,被人捉到就出賣我;大個左同人賭十三張,我派晒D 好牌俾佢,佢贏左一毫子都唔分俾我.......etc.」

方中信

槍王- 苗志舜:
在關鍵時刻懦弱,一開始沒有在合情合理合法下挺身而出。都唔緊要—— 但佢一直以聰明冷靜自居,其實內心已經被怨恨吞噬。最後係心理不平衡狀態下,繼續「執行職務」引出Rick (張國榮飾)。最後一場戲,苗志舜將個人榮辱愛恨於大庭廣眾解決。

Good Take! -澳門治安警 :
一開始就掛住食宵夜,唔去現場。

所以,學成龍,方中信會變成咩警察?
定一話係,鄧只係講笑,根本完全無睇過成龍,方中信做戲,當撐警藍絲兄弟無到?

作者facebook

發表意見