立場新聞 Stand News

當民調顯示只得 64% 反對国安法

2020/6/1 — 20:44

作者 Facebook 圖片

作者 Facebook 圖片

「嘩,秀茂坪藍到咁你都上嚟擺街站?」

「黃嘅話,佢哋自然會支持,就正正係因為佢哋藍或者傾向中立,又或者而家呢刻仍然係採取一個幾保守嘅立場,我哋更加先需要爭取佢哋同我哋一齊返對国安法呀嘛。」

點解咁着緊一定要馬不停蹄擺街站,原因好簡單,如果大家今日有睇新聞報道,相信都會留意到,目前中大民調顯示,有 64% 嘅人反對國安法,呢個數字唔算少,但真係絕對絕對絕對唔足夠。

廣告

上年反送中運動高峰嘅時候,要求撤回《逃犯條例》同埋成立獨立調查委員會嘅程度係去到七成五,甚至超過八成。而家只得六成四嘅人反對,好明顯係我哋未夠盡力。

我覺得要明白嘅係,唔好奉旨覺得上年經歷完反送中運動嘅民意海嘯,香港人就點都會極大比數咁樣企喺抗爭者嘅一邊,可能上年六月九日前,大家會好有心機擺街站,而家顧慮會多咗。

廣告

只能夠講,中間派呢,喺全世界無論民主定獨裁國家都仍然會存在,而民意係浮動嘅話,就差在我地可以點樣爭取,亦都千祈唔好覺得因為有國際關注或者醞釀制裁,我哋真係可以繑埋雙手坐擁東風。

對比起逃犯條例撤回嘅聲勢,我哋真係未夠落力㗎,唔該大家全民街站,用盡我哋所有嘅辦法,將個民意海嘯推返出嚟,文宣設計定係每個星期全港街站,查實而家一應俱全,差在大家會唔會一齊落水,拜托大家。

反對国安法單張ㅤ歡迎自行印刷ㅤ梗有一款啱你心水

張崑陽 Sunny Cheung
觀塘願景 - 梁凱晴 Jannelle R. Leung & 黃之鋒 Joshua Wong
八鄉朱凱廸 Chu Hoi Dick & 岑敖暉 Lester Shum英文版

 

作者 Facebook

發表意見