立場影像

立場影像

2020/6/18 - 23:44

童裝店擺香港民主女神像 出售所有內地業務 周小龍的政治覺醒

荃灣一家童裝店前日(16日)在大門中央豎立民主女神像,引來迴響。有人欣賞品牌立場,紛紛到場「打卡」、幫襯;另一邊廂卻被《環球時報》旗下《環球網》以「在內地錢掙夠了?」為題,指店鋪擺放的是「暴徒像」。老闆周小龍自言在反送中運動「覺醒」,面對批評,他反問:「『阿爺』係我股東咩?」

荃灣愉景新城的童裝店 Chickeeduck 平日中午時份,人流不絕,與鄰近店鋪形成強烈對比。「加油呀!」、「做得好!」有市民專程到店內與民主女神像合照,見到老闆周小龍亦不忘跟他打氣。「估唔到咁好反應,噚日人流同生意都升咗好多,亦證明市民是支持民主的。」周小龍笑說。

廣告

周小龍經營 Chickeeduck 30年,曾在內地經營溜冰場生意,不過上月周小龍已賣去所有內地業務,原因是不想拖累內地的生意夥伴,「因為你喺香港稍為支持民主、發聲的,佢(內地政府)便會找辦法打壓你。」他憶述早前曾接受訪問,表示願意捐款支持反送中,豈料已引來內地公安注意,到他位於湖南長沙的溜冰場,要求與他會面及索取其回鄉證資料。

他自言曾是政府的「粉絲」﹐在 2014 年支持政改方案,「你話我『袋住先』、廢佬都好,我嘅想法係中央政府經過一段時間會俾我哋更多(民主)﹐但原來2019年送中條例的時候係愈俾愈少,我就立刻醒覺,原來戴耀廷嘅說法係啱嘅,原來班學生是啱嘅。而家諗番轉頭,我會話自己思想狹窄。」

自言生意人的他,見盡政府和商界手段,說只要給條生路,很多事都願意「啃」,唯獨「反送中」事件觸及他的底線,「如果條例係好,點解唔好好哋諮詢?」、「最嬲係李家超話唔犯法就無事,不如你試下喺大陸做生意先啦?」於是去年6月9日,周小龍第一次上街。

他表示自他表明立場之後,收到不少商界朋友提醒,勸他不要太過出位,但周小龍仍然堅持發聲:「喺你嘅零售鋪頭入面講民主教育,但要諗下『阿爺』點諗,我唔明個 logic 喺邊囉。呢度係自由社會,各有各做生意,有人有顧慮要避忌,但我覺得香港人的核心價值就是沒顧慮。」

由上街,到接受媒體訪問支持反送中,再到在店內放民主女神像。周小龍指自己這一年的最大轉變就是不再沉默。記者問他,生意不再重要?他回答道,「當你見到唔公義嘅事,政府又繼續搞到咁,有啲似癌症病人拒絕化療,衝出去啦!」

至於會否如早前傳媒所說,再進一步參加立法選舉,他就矢口否認,「就算係都支持啲後生去選啦」。他解釋當時只是批評立法會的商界代表都是支持政府、撐《國安法》,才令人誤會。他續說,整場運動最喜歡的一句話就是「兄弟爬山,各自努力」,希望外界不要覺得他做事有陰謀。

現時店內的民主女神像預計會擺放至下周三,他表示如其他商場允許,希望可將女神像運至其他分店展示。他期望本港其他中小企以至大企業都可以跟隨發聲,堅守香港原有的自由。

記者/鄧可盈
影像製作/PW、Oiyan Chan