立場新聞 Stand News

【議規修訂戰】歷史轉捩點 集會有冇用?

2017/12/13 — 13:24

2017年12月12日凌晨,多名市民在立法會外紮營,反對守改議事規則。

2017年12月12日凌晨,多名市民在立法會外紮營,反對守改議事規則。

—、歷史的轉捩點

這兩天,我都會跟好多朋友一樣, share 反對修訂《議事規則》的懶人包,或各類短片,但大家在分享這類懶人包或精華的同時,要深切明白一點 — 所有對「修改議事規則」的簡化,都難以稍為準確描述出件事有幾嚴重。如果我沒有數錯,廖長江的議案,係包括左針對其中23條條文同埋1個附表的修訂,前前後後應該總共有 61 項修訂。但其實全本《議事規則》只有93條條文及兩個附表,如果要極之粗暴咁conclude,廖長江的議案,就係等如改曬。

若然立法會係一座城巿,明天的《議事規則》修訂係講緊要修訂一座城巿四分之一的法律 — 以合併辯論形式每人發言15分鐘 — 所以呢個完全係 systemic change,當中不但會出現超多 inconsistencies 和 incoherence,還必然會有極大的連瑣效應(即如果 1+1>2,那麼 1+1+1+1+1.... 遠遠大過61),其震撼實在不是「冇得拉布」「法定人數」幾個字可以說明。

廣告

In short,立法會明天開始審議的廖長江議案一旦通過,香港便會進入新時代。《議事規則》之戰從來不是前哨戰,而是北京通向一國一制的大門的鑰匙。集會冇用,sooooo true,但香港人未來要點,今日要點?To be or not to be, that's always the question.

二、有冇用?

廣告

really really sorry,明天及往後幾天集會有冇用,其實真係一條完全不應該回答及不必回答的問題。因為在過去兩三個月以來,民主派或任何關心議會的朋友,基本上已絞盡所有腦汁,去諗一個「有用」的策略或方法或方向。當然係諗唔到(因為對手有無限打矛波的意志,梁君彥係一個可以不斷作出嚴重錯誤及違法的瘋狂裁決的低能仔)。若地球上有人類諗到如何可以「有用」咁 stop 對手的方法,請認真去做或去試,每個地球人都會想你成功,一呼百應。

唔出席集會實在有太多 legitimate 的原因。每個人都有 spend the time better 的 alternative。which is NICE 呀。 perfectly fine。但「冇用」就實在不是一個好理由。因為在明天那場改變香港歷史的風暴面前,「冇用」作為一個 exit,實在太無力了。連自欺都做不到。

 

作者寫於12月12日;原刊於作者 facebook;標題為編輯所擬

發表意見