立場新聞 Stand News

【財委會】民主派不滿臨時加會選主席 陳健波:無建制派香港冧咗好耐

2019/10/14 — 11:54

立法會今早加開財務委員會,繼續選舉正副主席。多名民主派議員提出規程問題,質疑現任委員主席陳健波作為候選人之一,在未有詢問其他委員情況下,縮短通知期倉促加會。陳健波回應質疑時指,臨時加開會議是因為立法會大樓遭受破壞,財委會須盡快召開會議處理積壓的撥款項目。

陳健波又批評民主派破壞議會秩序,煽動年輕人上街示威,「香港就係俾你依班人(民主派)害死呀我同你講!」「你啲歪理刺激到年輕人,幾多人做咗終身後悔嘅事,就係因為你依班人!」。陳健波直指:「依個議會無建制派,我哋冧咗好耐啦香港!」

財委會上周五(11日)復會並選舉正副主席,民主派議員派出 22 人參選,多名民主派議員就近月反修例運動發言,朱凱廸直指警暴問題未解決,立法會無法開會,結果上周財委會會議召開近 3 小時,仍未能選出主席。

廣告

多名民主派議員今早繼續提出規程問題,毛孟靜指,陳健波上周五臨時通知委員加開會議,但不少人本身已有公務在身,無法出席會議,形容陳健波倉促加開會議做法「完全不能接受」。涂謹申直斥,陳健波作為候選人「自己得閒就開會」,影響選舉公正性,「不如陳健波自己主持(選舉)啦!自己選埋啦!」

陳健波:依個議會其實無咩意思

廣告

不過陳健波發言時形容,民主派提出的質疑是「歪理」,直言「有時我覺得響依個議會其實無咩意思」。陳健波指民主派「害死」香港,如果不是民主派煽動年輕人上街,警方就不會上街執法,衍生衝突,「唔係你哋煽動,年輕人點會以為做正義嘅事,變左暴徒?」

陳健波又形容民主派提出規程問題是「好無聊嘅遊戲」、「戇居」,他表示縮短開會通知期,是因為民主派「不文明」,「如果大家都係文明嘅議會,我會用文明嘅方法」,「我唔應該縱容你哋,你哋只會越來越猖狂」。

立法會秘書則表示,仍在任的財委會主席,無論他們是否被提名競逐下一屆委員會主席,亦有責任召開會議。

發表意見