立場新聞 Stand News

醫館掛橫額「制裁」特朗普蓬佩奧 醫師香國城:爭取民主像細路問老竇 惟後生一定贏

2020/8/13 — 21:22

醫師香國成

醫師香國成

為反對美國制裁香港官員,慈雲山有醫館在門外掛上「制裁美國特朗普蓬佩奧禁止到本醫館診症」橫額。醫館負責人、醫師香國成批評,美國「霸道得滯」,「全世界佢話要制裁邊個就制裁邊個佢禁邊個就禁邊個」,所以就算自己是普通蟻民,也希望藉此「對美國橫蠻霸道表達不滿」。

不過,他亦坦言,掛橫額的作用不大,也不認為美國總統特朗普、美國國務卿蓬佩奧會到訪醫館,「一定唔會啦,一定唔使諗」。

香國成表示,自己不會在乎他人目光,也不介意他人稱他為「藍絲」。但他重申,自己不反對「黃絲」,也支持以和平理性的方式追求民主。香國成認為,追求民主前需要衡量勝率,以暴力爭取民主並不可取,「你邊度夠國家、香港警察嘅武力?你明知唔夠佢打又要同佢打,呢個犧牲係無謂。」

廣告

他深信,爭取民主就像「細路問老竇攞嘢」一樣,需要「逐啲逐啲咁要求」、慢慢地爭取,只要年輕人有爭取民主的決心,「老一輩會老,需要係崗位上退落黎;後生一定會上,嗰個都要求民主,一定會做到民主嗰樣嘢。一定係你贏,後生一定贏,咁咪唔使流血。」

廣告

發表意見