立場新聞 Stand News

關於黑警向 PolyU 播歌

2019/11/21 — 13:07

當日心急如焚之際,我做咗件好無聊嘅事:

分心 mark 低黑警播過咩歌。

(In case 大家唔知,黑警圍 PolyU 第一個晚上,莫名其妙對 Poly 播歌)

廣告

今日終於能夠靜靜坐於電腦前。結果我證明到三樣嘢:

第一:有人話警察用歌曲挑釁示威者,經過分析,我覺得唔算,因為如果係挑釁,根本完全錯哂。勸降?亦完全唔係。

廣告

第二:佢地真係就咁照字面,斷章取義。對歌曲如是;對法律如是;對人生如是。

1. 《年少無知》— 陳豪/林保怡/黃德斌

《年少無知》係揶揄抗爭者「年少無知」?唔係,反之,根本係叫年輕人唔好放棄理想。《年少無知》係 TVB 最後一個值得睇嘅劇集,《天與地》片尾曲。《年》一曲必須與《天與地》對讀:三位主角成長,在各自世界打拼,變得世故勢利,但成績不錯 — 鼓佬以茹素掩蓋嗜血,從吃碎肉粥嘔吐,到在餐廳吃 rare 牛扒;黑仔漫無目的追逐金錢,權力,以至肌肉 — 妻子與情婦都是利益工具,失去愛人的能力;黃德斌飾演的軒仔失憶,繼續心跳呼吸正常地生活,過著中產生活,家庭美滿。最終如何?各人憶起「食家明」保命的過去,同時承認自己背棄理想,行屍走肉。《天與地》最終一幕,道出生命另一個可能 — 各人為生活奔波,無發達。但最後五人總算能赴「天台之約」,真誠快樂相視而笑,頗有「煲底之約」的感覺。

2. 《號角》— 羅文

80 年歌曲,講城市烽煙四起。到底城市誰燒起烽煙?歌無講。《號角》原曲為谷村新司的《昴》,80 年由鄭國江一曲兩詞,填上《號角》與《星》(關正傑主唱)兩個版本。兩者之間,《星》比較為人所知,且貼近谷村新司原曲。《星》的「尋夢而去 那怕走崎嶇險徑」,似乎是對抗爭者的鼓勵。

3. 《新不了情》— 萬芳

完全九唔搭八。

4. 《那些年》— 胡夏

屌你老味都係九唔搭八。係咪太耐無返屋企頂唔順,要當街發姣?

5. 《十面埋伏》— 陳奕迅

仆你個臭街,除咗「十面埋伏」四個字,都係九唔搭柒 combo hit。

6. 《監獄風雲》及《今宵多珍重》— 蔡琴

選此曲之黑警,比較有文化,應該係毅進起碼有 Second Up 的,起碼知道這是《監獄風雲》插曲,揶揄抗爭者即將入獄。但別忘記,《監獄風雲》系列本身就是一部庶民對抗權力的電影。除非你覺得張耀揚係忠角啦……

7. 《告別校園時》— 李克勤

91 年嘅歌,即係咩,老啊。反倒想起以《告別校園時》作為歌詞,Cookies 的《Forever friends》(起碼係 80 年代出世會識):最後一句「 My Pen~is Blue, My Friend is you 今天再看也可使我微笑。」

譯做廣東話,即係「條撚就藍色嘅,笑撚死」。

係,未講第三:

整個紅磡尖東地區都聽到上述幾首歌廣播,加埋黑警,Poly 裏面抗爭者,槍會山解放軍,閒閒地幾萬人聽過呢幾首歌 — 希望「香港作曲家及作詞家協會」(CASH)跟進下版權費用問題。

 

作者 Facebook

發表意見