立場新聞 Stand News

風言瘋語

2018/1/21 — 2:14

姚松炎

姚松炎

聽到啲補選「plan B」甚囂塵上,甚至有人話支持重量級補上,我覺得好㷫,㷫到要用口語寫!

根本唔應該傾「plan B」,應該傾「應對」:一但剝奪姚松炎參選資格,點樣號召全港市民同個政府死過! 應該傾抗爭策略!姚松炎係經過初選嘅結果,係民主派唯一嘅Plan,一定要捍衛初選結果。民主派必須俾支持者一個清晰訊息,唔會永遠採取守勢,唔會你DQ我我就搵個替補方案出嚟。

即使係要有後備人選,無論個後備係邊個,如果我係後備人選,我會話:『我係代表姚松炎參選,我嘅政綱完全採取姚松炎嘅政綱,我嘅競選團隊全部選用姚松炎嘅團隊,策略由姚松炎指揮,選舉論壇由姚松炎坐鎮,選咗我出嚟,名義上我係議員,請姚松炎做助理,議會發言稿全部由佢代寫,政策倡議由佢做,我只係做替身,但我份人工私人俾晒佢只留返助理個數額俾自己,我只係掛名。』

廣告

九西補選如果係民主派勝,無論真身抑或精神,都應該只係姚松炎!

廣告

發表意見