立場新聞 Stand News

黃台之瓜

2019/8/16 — 19:50

圖片來源:作者 Facebook

圖片來源:作者 Facebook

呢場反送中運動,由六月九日起,已經進行咗 69 日,喺「適當武力」嘅淫威底下,凸府鐡板一塊,拒不回應民間訴求,但香港人永遠記得:

6 人先後以死明志
2 人永久失明
近 800 人被拘捕
~50 人被控暴動罪
無數人血流披面,骨折,腦出血,警棍襲擊,過期化學武器攻擊,近距離行刑式槍擊,布袋彈海綿彈橡膠子彈迎頭痛擊,傷心欲絕,身心俱疲。

對比全副武裝 full gear 嘅警方受傷人數,1 人涉嫌挖眼畀示威者咬傷手指,1 人懷疑畀汽油彈燒親雙腳原來自己仆親,百幾人被激光射親報稱雙眼不適,呢啲就係所謂「核心暴力示威者」嘅所謂「暴行」。

廣告

再對比 7.21 元朗白衣人恐襲,拘捕 27 人,全部獲准保釋,無人被檢控?呢個平行時空嘅香港,受傷人數實在太懸殊,太無稽,太荒謬啦。撫心自問,你?家係咪對香港法治大失所望呢?

我有理由相信,管治權術之一,牢牢控制話語權,意識形態之爭,就係要令人冷漠無情,人與人之間互不信任,製造無力感挫敗感,最終目的令人厭惡政治,個個喺國家機器嘅威脅下,默不作聲,政治中立,方便管治社會。但諗都諗唔到,將香港法治推向懸崖邊嘅,就係凸府警隊,嘆奈何!

廣告

黃台之瓜,何堪再摘,凸府警隊,好自為之,你哋要醒醒定定,收手啦。

 

作者 Facebook

發表意見