立場新聞 Stand News

【黃店清文宣】銅鑼灣「No Boundary」起空白連儂牆 店主:唔想被完全滅聲

2020/7/2 — 19:17

「港區國安法」生效第二日,黃店擔心文宣內容或觸犯國安法,紛紛清走店內文宣。銅鑼灣一間黃店 cafe 發揮創意,拆走原來的連儂牆後另辟「空白連儂牆」,只餘便利貼沒有字,負責人 Ivan 說「知道嘅人見到,個腦入面自然啲字出晒來。」

今日動工,拆走舊的連儂牆,負責人 Ivan 表示,雖暫未有警員來過,惟經同行提醒後決定:「要拆嘎啦,以後唔打算再寫嘢。」新的連儂牆設計是只貼上空白便利貼,但上面沒有任何字句。Ivan 承認是因為國安法來襲,「唔知佢點玩,所以唯有諗啲創意小小嘅方法。」他認為,政權已經連連儂牆這種最溫和的抗爭方式都容不下,香港人還是要「留條命仔慢慢玩」,免觸及紅線。即使連儂牆再沒有字句,他相信香港人會明白:「知道嘅人望落去,個腦入面啲字自然出晒來。」他以另類方式將連儂牆保留,全因「唔想被完全滅聲」。

Ivan 認為,黃店清連儂牆和文宣只是自保,抗爭不是一兩年的事,面對白色恐怖,就學習「避重就輕去做,係長久戰,就要留低喺度先可以同佢鬥。」他對黃色經濟圈仍有信心,「我唔知人哋會點,我自己一定唔會食藍店。」

廣告
廣告

發表意見