立場新聞 Stand News

個個李司棋上身

2017/10/8 — 15:19

曹星如賽事,圖片來源:香港寬頻片段截圖

曹星如賽事,圖片來源:香港寬頻片段截圖

講真,我做體育咁多年,都唔會樣樣野都識,唔識就問,就學,最忌扮專家;但從來冇見過社會咁反智,大家一齊打幾粒字就判一個辛苦多年,打到幾乎盲的拳手落敗。

渣的對手你話渣,勁的對手你話老,開頭跌低你話抵死,打到眼腫你話輸梗,到最後死頂贏左點數,你又話造馬。成日話政府唔支持本地運動員,你地呢?撫心自問平日有幾留意,定係一年一次先裁判上身?

大佬,有拳例有醫生有裁判,一致判星如點數贏68:66,有網上16萬人+現場8,000人睇住,點樣造馬?你估香港政府,話搬龍門就搬咩。

廣告

唔識例可以學,少睇運動可以多D睇,香港人都唔撐自己香港人,網民個個都十足李司棋上身,「呢度唔係法庭,唔需要證據,我對眼就係證據!」嘩,真心威。唔少傳媒亦都鬥快出事,有錯post要更正,有23連勝,鬥快就係咁,同網民一齊未打先判。

你可以話我盲撐曹星如或者香港任何一位運動員,我認,因為我睇得太多佢地有幾辛酸。平日無人理,打生打死又話假,拍廣告搵食又睇唔過眼,真心為香港運動員悲哀,甚至係為整個香港悲哀。

廣告

發表意見