立場新聞 Stand News

【選擇性封關】內地來港航班減半ㅤ影響值得注意

2020/1/28 — 17:43

作者製圖

作者製圖

行政長官林鄭月娥會見記者,表示年初六起將會關閉部分邊境管制站。回顧年三十至年初三的入境事務處數據,由將會關閉的邊境管制站所處理的中國內地旅客數目,佔同時段所有內地旅客數目的 11%。相對來說,減少內地來港航班一半的影響,或更值得注意。

✽ㅤ✽ㅤ✽

有網友問點解我計封關條數同其他傳媒計出來的略為不同。原因有二。

廣告

第一,我用的是今年農曆年的數據,而不是 2018 年全年總數。經歷了過去半年的抗爭,加上當前的疫情,我認為呢一刻的中港人口流動同 2018 年已經相當之唔同,所以有新數據就一定用新數據。而且 2018 年高鐵只係開咗好短時間,所以數字較低,而咁啱高鐵數字響呢個計算入面好重要,所以更加唔應該用 2018 年的數字。

第二,我只係計內地客來港數字,但係其他傳媒就用所有旅客包括香港人的入境加出境數字。林鄭就亂話「封關」係所有人冇入冇出,但正常人都知「封關」只係針對內地客來港,所以只應該用內地客來港數字。

廣告

數據呈現係將一個無限複雜的世界簡化呈現俾人睇,當中每一步都可以係一個扭曲,所以每一條數用還是不用都要思考。

最後,我知落馬洲嗰兩個管制站官方名係「落馬洲」同「落馬洲支線」,但係冇香港人咁叫㗎。細心一點的做法係寫返「皇崗」同「福田」囉。

 

(標題為編輯所擬)

作者 Facebook

發表意見