立場新聞 Stand News

創業邊有咁浪漫

2018/5/18 — 17:10

// 世間上有幾多個Elon Musk吖講真? // Elon Musk,圖片來源:CBS片段截圖

// 世間上有幾多個Elon Musk吖講真? // Elon Musk,圖片來源:CBS片段截圖

講開創業,時不時都有朋友會問吓我意見,話想出嚟做生意唔打工好唔好。

我自己都係生意佬,對於想做生意嘅朋友,除非佢個idea真係好crap啦,否則我係絕少潑冷水的。實情係why not?創業當然有機會輸(呢個世界本來就冇嘢係必贏),但係打打吓工諗住出嚟創業嘅人,諗嚟諗去要考慮嘅都係一個機會成本嘅啫。而機會成本呢樣嘢,往往又冇想像中咁多的… 即是咁,你quit咗份工走出嚟做生意,掂唔掂,俾盡你一年乜都睇到啦。我就當你唔掂,你一年後返去打工,應該冇乜理由揾唔返份差唔多待遇吖嘛,咁輸極就係呢一年,同你要投資嘅錢囉,全部都有數得計。咁如果擔心,一年後真係會揾唔返份似樣嘅工,即係對自己信心都唔多夠的話,咁做生意就好牙煙㗎啦,that's the character problem。

反而好多entrepreneur成日強調passion… 對我嚟講,呢個詞語真係好虛。我做嘅生意,又悶又唔型,既唔creative亦冇改變世界嘅成份,兼且經常要受氣… 大佬,passion條鐵咩。唯一有少少passion嘅時候,係月尾埋數發現交完租俾班地產佬之後仲有少少錢剩,就係呢一丁點曙光,能讓你挨落去囉。

廣告

我成日覺得,好多人會將創業呢件事浪漫化。實情絕大部份嘅創業都係dirty work,唔型又唔浪漫。世間上有幾多個Elon Musk吖講真?不過創業做生意vs打工受人二分四,lifestyle係好唔同,人生嘅「風險」亦好唔同…我意思係,只係「唔同」囉,冇話邊樣好啲嘅。

 

廣告

(標題由編輯所擬;原刊於作者 facebook

發表意見