立場新聞 Stand News

想讀醫?Reg 科嘅權利都冇呀!

2020/8/6 — 9:52

資料圖片,來源:pixabay.com

資料圖片,來源:pixabay.com

一朝起身,哀鴻遍野。

各個 Social Media上都滿佈港大同學(醫科外),既慘叫同悲鳴:「第四年啦!比我 Reg 到一次都唔得!」、「電腦大爆炸啦!」、「冇書讀啦!」。唯獨讀醫既我,彷如置身颶風既風眼中,觀照大家既慘況,暗中竊笑。因為,讀醫科的我,這些年來從來都唔使 Reg 科的。(CC 除外,不過算啦,CC 對讀醫既都唔重要。)

自從 Year 1,我就好羨慕其他科既同學,有權利同自由可以揀自己想讀既科、想上邊個教授既堂、仲可以自己 Reg 到每星期一兩日唔使返。我都好想可以揀,「喂痴線架冇人想讀 Biochem呀,Reg Anat 算啦。」,「喂我 Reg 到袁國勇既堂呀!乜你要上 ____ 咁慘呀!」,「喂我 Reg 到兩日 Day-off 呀!」,讓 Portal 內外都充斥快活的空氣。但讀醫既,卻總係好似中學生一樣,只能跟既定既時間表上堂,完全冇個人選擇既空間。就係今朝,我又突然收到 email,聽日又加一堂,我只能夠順命。

廣告

所以我地係港大出身既醫學生,每人都要經歷一模一樣既訓練,內外全科,每一範疇都要讀齊讀足。冇得話一個人 Reg 多 Pharmaco 既堂然後 Minor in 藥劑,或者 Reg 得多 Surgery 既堂然後以 MBBS (Surgery) 之名畢業。無他既,醫科係高度專業既一科,所以係大學咁多科入面極少數全部都係 Pre-reg 既 Major。就好似今年我地既教學因疫情大受影響,考核方法都冇變。為既,都係要 uphold 香港醫療既水平。

與此同時,建制派想要放寬制度引入中国醫生。

廣告

成日話中国十四億人、地大物博、幅員遼闊,我是認同的。亦都因此,中国「高等學校」,多達 3005 間。

呢 3005 間中国「高校」,佢地頒授既醫科學位,又可唔可以確保同中大、港大兩所本地學府所頒授既醫科學位有一樣水準既訓練?當香港既醫科生,所有課堂都係固定,去確保訓練水準既一致,如此嚴謹既時候;如果放寬外地醫生來地既把關尺度,民建聯你點確保呢 3005 間「高校」每一間既畢業生水平都合標準?港大中大既教學課程,由醫委會既本地專家把關,任何重要改動都必須經醫委會批準。呢 3005 間中国高校既教學,係香港呢邊,可以由邊個去審查哂每一間?醫委會十幾名專家睇 3000 間高校?定放棄審核?

唔可以放寬把關尺度,尤其是對於中國醫生,係絕對有原因。香港醫生執業試,中国醫生係專業知識考試中,合格率只有 15.6%,而英美等地醫生則有 41-61%。如果放寬把關尺度,結果來港既 85% 中国醫生都係唔合資格既,香港人點會接受得落?

呢個係我地香港一直而黎對本地醫療把關既高水準,先一直令香港人可以放心係香港睇醫生,甚至今日面對世紀疫情、政府抗疫不力,都冇全線淪陷。香港正全面腐壞,我知,但醫療呢一方面人命攸關,我地守得幾耐得幾耐。

Medical Society, HKUSU 香港大學學生會醫學會既同學整左一個幾精簡又有用既懶人包,去解釋港中兩地醫生既分別,歡迎大家睇下了解多啲。

 

作者 Facebook

發表意見