人在中環 - CK

人在中環 - CK

我係一隻又笨又固執嘅豺狼。著有《人在中年》。

2020/4/3 - 23:48

【武漢肺炎】邪惡其實一向都在,只是沒被你發現而已

喺外國嘅朋友早幾日問我,中國嘅數字,其實係咪真係唔可信?

我話,我當然可以好肯定地俾個答案你啦。不過,轉頭你又去問另一個人,佢如果俾一個完全唔同嘅答案你,你會信邊個?

好多嘢其實都係靠自己眼睇,靠常識常理去分析吧。當你身處嘅先進社會每日數以千計,甚至萬計嘅市民,喺中國春運過後不斷感染,而且係接近完全不可防不可控嘅狀態,你係讀過書嘅人,答案是甚麼,你應該有能力分析到的吧。

廣告

邪惡當然那裡都有,我哋香港人,呢幾年覺得跟邪惡嘅距離變得前所未有地接近。feel 到惡魔在身邊,自然會比較提高警覺,對官方資訊嘅可信性亦會格外留神。朋友身處嘅地方,多年嚟相對安靜,即使近年也因移民嘅流動變得比以前嘈吵起嚟,但與惡魔嘅距離,離開得還是比較遠。只係惡魔在遠,病毒在近,危機忽然在身邊,感覺當然震撼。

安定社會環境培養了信任,凡事也不容易以陰謀論去猜度別人。這其實是好事,只是當他們跨過地域遇上惡魔時,好事就變成壞事了。

邪惡其實一向都在,甚至就在身邊。只是因緣際會之前沒有被你發現而已。

 

(標題為編輯所擬)

作者 Facebook