人在中環 - CK

人在中環 - CK

我係一隻又笨又固執嘅豺狼。著有《人在中年》。

2019/1/15 - 18:06

艾馬利 — 打工仔嘅悲歌

圖片來源:艾馬利 Facebook

圖片來源:艾馬利 Facebook

阿仙奴嘅問題,肯定唔係簡單換咗雲加就能夠解決的。

又,望住今日嘅艾馬利,就會開始明白,點解雲加可以喺嗰個位坐到二十二年。

我從來唔相信,如果老闆肯開水喉買人,會有領隊會唔肯要,特別係喺競爭激烈嘅英超,慳都唔係咁慳。雲加坐到咁耐,我相信好大程度上係因為,佢將「孤寒」嘅罪名攬咗上身,讓喺背後真正孤寒嘅人可以免受苛責。加上早年嘅成功,讓佢有足夠嘅光環去消耗。去到後期,光環消耗殆盡,亦開始要主動洗錢之時,佢喺老闆眼中嘅價值,亦隨之而流逝。

廣告

艾馬利唔係唔好,不過這個冬季轉會窗,那個「只能借用不能買人」嘅言論一出,球迷嘅憤怒,就全部去哂老闆身上。我覺得呢個係打工仔大忌,這個言論嘅「傷害」,喺班孤寒老闆眼中,應該遠比輸俾韋斯咸大鑊得多。

好多打工仔嘅悲歌係,會俾仆街嘅老細推出去做代罪羔羊,就算你有幾多功績,幾有料,都係一樣。當你得罪咗老細之後,任何犯嘅錯誤,都有機會成為掃你走嘅好借口。小心睇路係好重要的。

坐咗二十二年嘅雲加如是,然而換咗人,其實都要面對同樣問題。執教成績只係表面,影響 employment 嘅嘢,往往係其他細節。

對住呢個美國老闆,觀乎近來嘅氣氛同走勢,我直覺,覺得艾帥應該都唔係咁容易做得長。

 

(標題為編輯所擬,原刊於作者 Facebook