立場新聞 Stand News

重新審視接種科興疫苗風險

2021/3/8 — 10:30

接種疫苗的人出現了四個嚴重嘅不良反思,兩位老人家過了身,還有兩位要入 ICU。

睇返他們入 ICU 或死因,發現 3 個都同心血管疾病有關,兩位是出現了冠心病引致的併發症與及一位是出現中風。而另外一位最大可能是因為沒有打胰島素才出現糖尿病酮症酸中毒,比較容易排取其嚴重反應是因為疫苗。但其如三位的嚴重不良反應都是心血管疾病時,就算可能係因為長者不少都有心血管疾病,就算長者的心血管疾病都比較嚴重,就算不少長者每天都死於心血管疾病,幾天出現這三個有相似性的個案,其實真係要再睇返臨床研究數據,重新審視長期病患者,尤其係有心血管疾病問題或糖尿病的病患者接種科興疫苗的風險。

咦?但係呢支疫苗嘅三期臨床研究數據,好似未經同儕審批,仲未在任何科學期刊中發佈過,而且其 60 歲以上的未能出科學期刊的數據都少之又少,咁點算好?

廣告

當然就係好似筆者之前個 post 咁講,緊急批准使用後,要收集更多嘅數據,在一個嚴重不良反應個案出現後,不能確立與疫苗是否有關係時,就要用更多的數據去支持或否定這個現階段不能確定的關係。

可惜,在全港接種疫苗前又無好好計劃如何做數據收集、如何分析、如何報告,令何時才有香港自己的數據都是未知。現在當然只可押上專家之名,依賴一個個個案咁去講,大家證明唔到有關係就等如無關係去 convince 市民。

廣告

記得十幾日前,我阿媽問我打唔打科興,我話係打就等 BioNTech,佢話佢師傅話打咗好啲,滅活疫苗歷史悠久比較安全,唔打俾人打晒就無得打㗎啦。我以為佢講風水師傅,咁都可信啲,原來佢講嘅係樓下教佢耍太極嗰個師傅⋯

長者,佢哋未必能掌握好自己的身體狀況,未必能明白到太多的科學原理,所以自己嘅長輩要自己好好睇實,同佢多作分析,不要假手於人啊!

#尤其在這個人人都可以係專家嘅年代
#更要學懂如何去好好分析

男子接種疫苗兩日後死亡 許樹昌指大機會因心血管疾病

女子死前曾接種疫苗 孔繁毅相信事主因中風導致死亡

兩長者接種科興疫苗後留醫ICU 其中一人危殆

作者 Facebook

(標題為編輯所擬)
 

發表意見