立場新聞 Stand News

賀一誠:今年唔搞大賽車要賠好多錢

2020/11/17 — 18:54

《論盡媒體》製圖

《論盡媒體》製圖

疫情未穩 明年體育賽事「好難決定」

疫情之下舉辦「降格」格蘭披治大賽車引發全民爭議,澳門行政長官賀一誠今日列席立法會回應議員提問時表示,今年的大賽車早於去年已經決定要舉辦,「我哋已經簽哂合同,唔做一樣係賠好多錢」,亦期望藉大賽車宣傳澳門的安全抗疫。

賀一誠又稱,現時已經要決定是否舉辦明年大賽車,因為賽事的籌備不是短時間的規劃,而需要長時間的籌備和協調。「唔係話我聽日想做賽車,係咪聽日啲人全部棟喺我面前,即刻落場就可以賽車,呢個只係澳門嘅普通飛車,唔係賽車。」但仍然要視乎疫情的變化作決定,「做,個個都鬧我,鬧我冇問題,坐得呢個位一定預咗比人鬧;如果我哋唔做,明年會唔會變死城?好難決定」。

廣告

賀一誠表示,如果明年不舉辦大賽車之類的大型活動或會衍生其他問題,澳門或無吸引旅客來澳的元素,「係咪之後都係你眼望我眼?講唔做好容易」,因此會審慎考慮相關活動舉行與否。

 

廣告

原刊於《論盡媒體》

發表意見