立場新聞 Stand News

【今期流行。新貨上架】聯乘名牌出豬嘴 3M加推紙包可吸濾芯?!

2020/3/2 — 18:21

圖片素材:@anicornjoe instagram

圖片素材:@anicornjoe instagram

兩盒,thx!

曾幾何時,一罩難求。有錢都買唔罩,出唔到街。香港人財富標準重新定義:2-4 盒是低下階層,5-10 盒是中產,10-30 盒是有錢佬,30 盒以上才稱得上是富豪。有罩在手先係人生嬴家!

隨著大陸春運結束復工,香港口罩供應漸漸穩定。有錢就有罩,雖然比平日價錢貴,但唔介意俾炒價就唔會無罩用嘅!由一兩蚊有交易的口罩,而家分分鐘可以賣到十幾廿蚊個,升值幅度驚人!

廣告

有人話:既然係咁,不如用豬嘴啦,環保啲。仲用緊 3M 啊?你有冇聽過名牌聯乘先?

吸啖乾淨的空氣變得矜貴,矜貴當然少不了各大名家品牌。Chanel、Supreme、YSL 咁先最夠尊貴!還是 NASA 聽起來最高科技才夠實際?瘋狂想法雖然未有得賣,但香港設計師 Joe Kwan 就畫咗出嚟,像真度極高,幾可亂真!將口罩的貴和名牌的貴相通,批判香港人現正面對的荒謬日常。

廣告

昨日,Joe Kwan 仲加推「新商品」,3M 紙包可吸濾芯,可以說是豬嘴的進化。細細盒,拿在手,吸在口,輕巧方便!隨時拎起吸又得,即用即棄又得。方方正正的造型,放入袋都唔怕。濾芯明明係 advance 的防毒物資,而家同咁日常的紙包飲品 crossover,梗係覺得唔多妥!

笑中有淚?笑唔出,只得一殼眼淚 T___T

發表意見