《刻在你心底的名字》劇照

《刻在你心底的名字》看後感 — 刻在我心底的問號

(以下有嚴重劇透,慎入。)

雖然《刻在你心底的名字》在台灣上映打破記錄,是首部票房破新台幣 1 億元的同志題材電影,多個金馬獎項目有提名,甚至獲獎,口碑在當地極佳。最近《刻》一片在 Netflix 火熱上架自然要一賭為快,了解其魅力所在。

不過,這只是刻在我心底的問號的序幕而已。

首先兩位男主角張家漢(陳昊森飾)與 Birdy (曾敬驊飾)外型似到一個點是,我到中段才能分得出誰是誰,當知道張家漢喜歡 Birdy 時,我曾有一刻想過到底張是否中二病發作,愛上一個跟自己外型很相像的朋友,尤其張與 Birdy 本身也不熟,張自己也在學校有些不喜歡 Birdy 的朋友,第一幕泳池相遇後就無端白事比番梘(唔知係咪有寓意)又比 Birdy 爬上床食花生,然後就話鐘意對方,腦補幾多先去到呢個劇情???

導演林子穎亦都提到鬼佬牧師個設定。我同樣屌出聲,首先點解會又教水又教樂團,明明係寄宿學校係咪無老師到咁?仲要到結局佢過身先明言比觀眾知佢係同性戀者,返轉頭諗先知道點解張家漢要闖禍後搵佢傾訴問題。但!!明明成套劇都一直無講張知道牧師係同性戀,亦無講過張原來同牧師熟到可以傾心事囉,又係要腦補一大輪!

好喇,背景設定係剛解嚴嘅台灣,無問題。要加政治嘢入套戲都無問題,但啲 elements 抽走咗咪又係校園青春劇咁,兩個主角為咗新嘅女仔(班班)而嘈交 blah blah blah 。最搞笑係,又話班班覺得同 Birdy 一齊好似瓊瑤式故事想分開吓,而 Birdy 當時已搬去其他地方話準備再考大學;轉個頭 30 年後就暗示兩個人生咗個仔離埋婚,班班怨 Birdy 毀佢一生,吓咩事?我有無錯過啲咩劇情呢?係無呀!!因為成套片啲剪接根本就咁鬆散,太片段式,完全無法投入同 follow 到呀救命!

無錯,某啲鏡頭係撚得好靚,但不足以彌補劇本、對白上嘅缺憾,離神級 LGBTQ 戲還差很遠。重點的打 J 一幕,我更加覺得是張性侵 Birdy rather than 係愛喎,點解 Birdy 之後好似可若無其事咁同張去海灘過最後一個相聚的下午? Again, did I miss some shits?

結局最最最最最最最最離譜係,張無端端廿幾年後第一次去舊生聚會,無端端又間接地搵得返 Birdy ,但去到加拿大又唔敢面對佢,咩事姐?係咪要嬌情造作到咁就叫一場好戲?結局另一個最最最最最最最最最最最離譜係變成 MV 式影年青版背脊在加拿大街道上唱歌,咁樣留白去講呢個故事真係好咩?

2020 年最伏、最應該?櫈嗌回水嘅戲,呢套當之無愧。

作者 Facebook 專頁

編輯推介

    發表意見