立場新聞 Stand News

【即刻試聽】坂本龍一 × 龔志成! 港日兩大師新作《荏苒》 記錄非常時期感受

2020/6/2 — 11:31

教授坂本龍一個名,香港人耳熟能詳。早前有話佢會來西九表演,門票炒到過萬一張,可惜種種原因,坂本龍一數到坂本龍九都未等到佢來港。

不過無緊要,近月武漢肺炎全球肆虐,教授有感窩在家中避疫的地球人心靈有如冬日港女臉皮一樣乾枯,極需滋養,因此不斷在網上搞搞震,又搞直播又推新作,希望大家可以聽聽音樂,keep calm and stay safe。

而教授最新一招!登登!就係同香港音樂家龔志成合作的作品「荏苒 (stealing time)」!

廣告

龔志成,人稱「阿龔」,係香港作曲家、表演者,音樂文化推廣人,作品曾經在香港、台灣、日本、古巴、塔什干、紐約、倫敦、柏林及威尼斯發表及演出,尤其在獨立音樂圈是十分有名。此外佢同教授有交情,去年教授仲透過佢,向香港人發訊息,叫各位手足抗爭加油。

今次發表作品荏苒,教授話,原點係在這個非常時期,希望記錄自己的一些感受,因此邀請了一些音樂朋友與他合作創作,阿龔就是其中一員。

廣告

順帶一提,「荏苒」一題,係周耀輝起㗎。

廢話少講,即刻試聽:

發表意見