立場新聞 Stand News

大館探討中環「和你 LUNCH」歷史背景? 展覽「日安時刻」下周開幕

2019/12/12 — 14:59

(作者自按﹕本文封面圖片由被關注精神健康的「立場美術部同事」製作,並非原插畫師作品。)

畀兩個字你,「中環」、「LUNCH」。年份是 2019。諗到乜?3 秒鐘即刻答。

和你 LUNCH?錯﹗

廣告

阿叔講緊嘅是展覽啦,而且是大館的展覽。

是咁的,大館文物事務部下個星期有個展覽,叫「日安時刻」,內容係「探討中環與別不同的午餐文化如何建構各式各樣的人情細語」。你阿叔我可能呢期太過投入抗爭(OR SOMETHING ELSE),一見到中環午餐文化,實在好難唔諗起 OL 著宅身短裙開遮擋催淚彈那一幕。

廣告

咁策展人又有無咁諗?係純粹美麗的巧合,定係有心扮無意?呢個問題阿叔就唔識答。不過咁,據我所知,展覽會「透過展示各種午膳形式的起源與變遷,引領大家體驗中環人的午餐日常」。(日常﹗乜中環午餐仲有日常的嗎?)展覽將分為幾個區,介紹如下﹕

「快餐」區呈現熱鬧擠擁的中環街頭;
「行政午餐」區展示這種商務文化的微妙之處與起源;
「同鄕會」區展示各式地道佳餚與鄉愁的連繫;
「福食」區帶出公司與員工之間的人情味。

咁唔知「和你 LUNCH」區又有咩睇?呢個問題,你就要落「區」自己睇﹕今日中環其實都有和你 LUNCH。香港人唔會忘記,五大訴求,缺一不可。

大館圖片

大館圖片

大館圖片

大館圖片

發表意見