立場新聞 Stand News

【抗疫新招】荷蘭美術館新設「揸車」睇展

2020/8/31 — 11:31

武漢肺炎疫情嚴重,香港、全球多個藝文場地封館。儘管許多展覽改為網上舉行,但在家盯著螢幕,總覺有點「流」。想要現場睇又想防疫,可以點做?荷蘭有美術館就採用嶄新形式﹕讓觀眾「揸車」睇展。

荷蘭鹿特丹的 Museum Boijmans Van Beuningen 近日與會議展覽中心 Rotterdam Ahoy 合作,舉行 Boijmans Ahoy drive-thru museum,將約 3 千平方米的展覽場地布置成容許駕車進入的展覽空間。

展覽由概念藝術家 Ted Noten 構思,以「自然對文化 (Nature vs. culture)」為題,以巨型屏幕呈現 40 件 Museum Boijmans Van Beuningen 收藏的錄像和裝置作品。駕車睇展思考「自然」也許有點諷刺,因此展場僅容許電動車與混合動力車進入。此外,展覽又設計讓作品的聲音直接於車內音響傳遞,令車主獲得更佳觀展經驗。

廣告

其實「揸車」睇展的意念並非由 Ted Noten 首創。早在今年 5 月,加拿大多倫多亦有一梵谷展覽 (Immersive Van Gogh Exhibit),將展場分為一般展區與駕車展區,亦容許觀眾駕車進入,觀看梵谷的畫作投影。

廣告

當然亦有人認為,你揸架車去到,咪又係睇 mon,不過個 mon 大啲咁解。都係嘅。不過這就讓我們回到一個問題﹕睇藝術,特別是錄像作品,其實怎樣才算真跡?睇真跡又有幾重要呢?

發表意見