立場新聞 Stand News

眾籌還魂,哈囉喂翻生在大埔 — 「全民傳承哈囉喂」浸沉式體驗活動

2021/6/8 — 10:00

這段時間,香港忽然多了很多「全民」齊心——全民抗疫,全民造星,再擴展到,全民追星,全民想自肥......全民眾志成城再造新氣象的奇跡,又或者可以再現與再造一些已經消失了的回憶?

當代舞團鐵仕製作(TS Crew)將在十月策劃「全民傳承哈囉喂」浸沉式體驗活動,選址在大埔藝術中心(TPAC),現正以眾籌募集活動資金,用以進行為期八天的主題節日遊樂活動。TS Crew 副總監Steve ,想了想:「以前主題公園舉行嘅『全城哈囉喂』,係真係好屬於香港嘅一件事,為唔同人帶嚟好多工作、創作機會同回憶。我哋好想延續呢件事,就喺大埔開始慢慢做起嚟。」

哈囉喂:展現本港演藝創作力量

廣告

數一數,由本地主題公園策劃的「十月全城哈囉喂」 始自2001年,是過去十多年來香港一個大型又具本土特色的主題遊樂活動。「呢個活動好似成為咗一個小傳統,香港人好多都識,有唔少人都入場玩過,係大家嘅集體回憶。我大學畢業後做咗幾年『哈囉喂』,佢無疑係本地演藝者一個很重要嘅工作同實習平台,咁多年嚟雲集咗好各路演藝人才,而且每年一個月嘅活動,可以帶動到好多演藝、表演工作機會,養活到一班人。2019年我哋進駐呢度中心,嗰年主題公園無再做,我哋唔想呢件事無咗,所以就諗吓不如我哋試吓搞。」

TS Crew 經理 Andy (左)、副總監 Steve(右)

TS Crew 經理 Andy (左)、副總監 Steve(右)

廣告

TS Crew 由舞團轉身成為新一個「哈囉喂」的策劃團隊,邀請中心內的藝團、各方表演者參與構思活動內容;又就著 TPAC 建築前身為中學校舍,以校園作為體驗活動的背景設定,最後創作出《靈校》浸沉式體驗活動。參加者須穿上校服,化身學生,再戴上耳機,邊走邊進入不同的情景當中,在混雜恐懼、幽默、緊張等複雜的氛圍下,體驗不同感官刺激,從中引發對自己生活的反思。

哈囉喂落戶大埔  帶動社區活力與連結

《靈校》在上年10月尾至11月頭舉行,其時本港仍未見有疫情爆發,舞團經理 Andy 估算四天活動,有近約八百位觀眾參加,台前幕後合共約有三十人,以當時的人力資源和規模來說,他們有感成績和反應不俗;又見參加者和表演者樂在其中,希望可以持續策劃哈囉喂活動。到今年活動起名「全民傳承哈囉喂」,期望可以漸漸成為大埔一個具代表性的活動,也藉此帶動大埔區不同人的連結、活力,甚至區內經濟。

《靈校》演出照

《靈校》演出照

Andy 說:「TPAC 是一間舊校,我哋接觸到有啲街坊係以前喺度讀書、畢業。呢棟建築物有歷史意義,同時而家變咗一條藝術村,我哋就諗有無啲咩可以大家同村民一齊玩呢?」

《靈校》演出照

《靈校》演出照

Steve 提到策劃《靈校》時有特意希望跟區內不同人士合作,聘請區內街坊做兼職小幫手,又邀請小店提供優惠予參加者。「我哋去問啲小店,如果參加者戴住活動手帶嚟幫襯,會唔會有少少優惠呢?佢哋好多都好歡迎,好支持。我哋睇到呢件事真係可以好具體咁帶動到個社區,聚到人心,互助幫忙。」他想想:「大家會去大坑睇舞火龍,可唔可以嚟大埔玩哈囉喂呢?我知係好大想頭,不過試吓啊!」

「十月全城哈囉喂」宣傳圖

「十月全城哈囉喂」宣傳圖

全民再造屬於香港的萬聖節

現時 TS Crew 正在籌備今年的哈囉喂,內容取材自香港一直流傳、大家耳熟能詳的坊間鬼故、傳說,亦關乎一個學生在校園內遇到不同困難與惡霸的挑戰;他們也繼續邀請區內小店合作、聘請街坊,同時為擴大活動的受眾範圍,今年計劃新增設適合六歲或以下小童參與體驗的環節,期望大人細路都可以享受哈囉喂的樂趣。

然而,他們有感未必能成功申請的資助,故開設眾籌平台向大眾籌募資金。Andy 說:「我哋覺得眾籌係一年包納民眾意見嘅一件事,有幾多人支持、認同,就有幾多人會『科水』(注資)。」

Steve 點點頭:「『哈囉喂』呢組詞係香港獨有,係 Halloween (萬聖節)嘅香港用語,而且背後係包納咗成個節日活動同一種文化嚟。」Andy 緊接著:「希望可以有多啲本土文化活動出現,真正建立我哋嘅身份。」

眾籌連結:https://tinyurl.com/ahdtdn66

【眾籌回饋】

HKD230 純粹支持
HKD240 或以上 > 入場票一張
HKD600 或以上 > 入場票三張 + 三件限量版T-Shirt
HKD900 或以上 > 入場票四張 + 四件限量版T-Shirt
HKD1000 或以上 > 入場票四張+ 四件限量版T-Shirt +鬼屋或神主牌冠名

(本文為贊助內容)

發表意見