立場新聞 Stand News

觀「日安時刻」 搵食啫 慨嘆港人食晏之苦

2020/1/14 — 12:41

搵食搵食,香港打工仔咁辛苦,都是為了搵食啫。可惜的是,很多在高位之人不知其他人搵食之苦,裁員、凍薪、減薪、放無薪假等令搵食的打工仔愈搵愈難食。

早前在中環的大館01座複式展室中看了他們的「日安時刻」(Let's Do Lunch)展覽(展期至2020年2月8日),以互動方式探討展現中環午餐文化眾生相,讓大家更明白打工仔爭分奪秒搵食之苦及社區內的人情細語。

一開始就是「快餐」區,擠過吹氣公仔,因為時間無多,所以去取票選舉食豆腐火腩飯、黯然銷魂飯、四寶飯、乾炒牛河,取票後到旁邊用QR code,領取「午餐驚喜」。旁邊可看到所謂的中環外賣的前世今生,有老字號鏞記紙製飯盒、嘉頓藍白格仔飯盒等的複製品。

廣告

你又可以到「行政午餐」區,穿上膠西裝,扮白領或生意人邊食lunch,邊談生意。又或到「同鄉會」區中,和虛擬同鄉或同宗人士聚首一堂,食一頓飯,一解鄉愁連結。又或是在「福食」區,伙計同老闆一齊同撈同煲,但今天應該只有很少老店或舊公司會「包伙食」的了,除非帕倣企業有自己的飯堂啦,所以年輕一代未必知甚麼是福食或包伙食。

筆者就最喜歡他們找來插畫家王梓妃,簡單可愛的插畫展示了中環不同的午餐文化和社區連繫,而且知道可以下載以插畫來做的Whatsapp sticker,傳給其他扛工仔一同share。

廣告

無論你食甚麼餐,打工仔都要在限定時間內食完後返回公召繼續工作,除非你是老細,可以有無限時間去hea,去不食人間煙火地享受人生,如果不是的話,。你可能屁股都還沒完全坐下,就立即同店員點餐。「常餐A,要凍檸茶少甜。」等一陣仍未有得食,就同店員:「食物仍未來,快一點唔該。」

如果吃lunch是應酬時,也未必是樂事,就算是到甚麼高級餐廳也好,要同老闆或客戶見面吃飯,邊吃邊討論工作,甚麼合作計劃、未來方案,可能是真的是食不知其味。

繁華商業社會,是由很多食晏故事推砌而成。可惜,有些香港人不用搵就有得食,有愈來愈多人就愈來愈搵不到食,嗚呼哀哉,是甚麼令打工仔打苦工,打工苦。

看完展覽後,你食完晏了沒有?

筆者並非要說甚麼大道理,只是有時候看得多,有所感受而已。

 

發表意見