Parallel Space 眾籌雖未達標 創辦人承諾留守大南街

深水埗大南街藝文空間 Parallel Space 上月中突然推出眾籌集資,應付續約和未來兩年營運。眾籌期限已過,雖然未能募集得目標金額,但創辦人 Kim Lam 仍然決定續租,最少原址經營多一年,「去到呢個位,錢都已經唔係最重要」,而是大家共同努力維持一個實體場地「一齊做啲嘢」,「好想 Parallel Space 變成 community,可以有唔同嘅人參與呢個地方嘅發展」。

Parallel Space 上月中在 Facebook 發帖,開宗明義「眾籌營運資金」,目標金額為 60 萬港元,分別用於租金、人工等營運開支。眾籌為期十日,線上線下合共籌得大約 34 萬港元,僅達到目標金額的一半,但 Parallel Space 上周六(6 月 26 日)宣佈續約。

創辦人 Kim Lam 向《立場》表示,眾籌雖然未達標,但「完全冇失望」,「去到呢個位,錢都已經唔係最重要」。最重要的是,他在眾籌過程獲得各方留言、鼓勵,甚至身體力行幫忙。有人幫手做網站,有獨立策展人表示興趣合作,稍後將與他們進一步討論 Parallel Space 未來發展,「大家都覺得而家香港咩都無曬,但仲有一個 space,好似可以一齊做啲嘢咁」。現時資金足夠原址營運最少一年,他「非常感謝各方面關注」,「好想 Parallel Space 變成 community,可以有唔同嘅人參與呢個地方嘅發展」。

創辦於 2018 年的 Parallel Space 是位於深水埗大南街 202 號地舖的藝文空間 ,近日舉行反送中兩周年紀念活動《走.過— 730 日的 6 月 9 日》期間,遭到不同政府部門到場巡查;《蘋果日報》停刊後,又舉行為期三日的快閃展覽——《 _ _日報 》聲援。

編輯推介

    發表意見