立場新聞 Stand News

M+ 今時今日仲有顏面提「社區參與」同「反思21世紀的博物館」?!

2019/9/12 — 16:03

其實我趕住搞緊篇評論但見到啲咁黐線嘅嘢都係忍唔住出po —

話說Facebook派咗一個M+嘅講座俾我,名為「以社區參與為本 — 反思21世紀的博物館」(2/10/2019),齋睇個題目已經覺得可笑至極。

反送中運動由6月9日爆發至今已超過三個月,早在運動初期,已經有不少藝術家、評論人,注意到民間的視覺創意在抗爭中大爆發 — 當然也包括本專頁,詳見 #抗爭創意 hashtag。然而M+作為一座聲稱定位為「視覺文化博物館」的公營機構,數月來完全是存在於平行時空,不僅未見主動作出任何考察或研究,在收到有關查詢後,更是顧左右而言他、羅列各種似是而非的理由來「解釋」其在本次抗爭的視覺文化領域之完全缺席(楊天帥,9/8/2019)。

廣告

台灣學者陳佳利在《被展示的傷口》一書中指出,「博物館透過機構性的力量,選擇性地為整個社會及民眾保存記憶」,也就是說,博物館的購藏選擇將影響整個社會、尤其是後世記憶什麼,以及如何記憶。一家坐擁龐大資源,兼且由公帑建設的博物館,其購藏策略絕對是所有民眾的事,購藏委員會不能因為手握權力就自以為是特權階級,有資格選擇背向群眾。

這樣一家以行動證明自己離地到雲端的博物館,到今日居然仲有面目搞一個以「社區參與」為題的講座,簡直係厚面皮到匪夷所思。係咪因為佢平時實在同社區太脫節,搞嘅節目幾乎冇人留意,所以佢哋根本唔會諗成件事俾人觀感有幾咁可笑同虛偽??我真心替嗰位講者Kelly McKinley(美國奧克蘭加州博物館副館長)感到十分尷尬。

廣告

個節目副題係「反思21世紀的博物館」,其實佢哋真係唔使花咁多錢山長水遠請專家嚟做講座,佢哋最應該做嘅係高層閉門搞個讀書會,反思下自己作為一座「21世紀的博物館」點解可以完全背向其所在地嘅所有脈絡,之後著手改變政策,咁至係對社會大眾最有益嘅事。唔該唔好再喺度口口聲聲「社會」「大眾」「社區參與」,我真係戥你覺得醜。

#ShameonMPlus
#同香港人冇關嘅博物館

發表意見