立場新聞 Stand News

當耿爽的口風大變

2020/1/21 — 20:33

資料圖片:中國外交部發言人耿爽

資料圖片:中國外交部發言人耿爽

筆者無法確知上帝是否存在,但如果存在,武漢肺炎(武肺)橫空降世,就像向傲慢自大、自以為任何事都可受控的凡人摑一巴掌。

不足半月前,國家專家組主任醫師王廣發仍向外宣稱,疫情可控,今天卻證實他本人確診感染「武肺」,實在是個黑色笑話。

一日之間,「武肺」病例大幅攀升,究竟係情況太嚴重,紙包不住火,抑或好戲劇性咁近日疫情大爆發,香港人心中有數。總之,連習近平都開腔,表示高度關注疫情,要舉國做好防疫工作。耿爽今次亦無譴責外國勢力和世衛造謠生事,借機干預中國內政、損害中國的國際形象和人民感情,仲好聲好氣,話中方願意與國際社會攜手應對疫情,共同維護地區和全球的衛生安全。「耿爽模擬器」幾時會咁講嘢㗎,突然轉死性,咪即係話今次好大鑊,大鑊到唔可以靠封鎖消息,關埋門自己搞掂囉!

廣告

但中國不是很強大的嗎,強大到任何問題用自己方法都可以解決,為何今次又要借助外力呢?尤其這些外力秉承國際的人道標準,對人命和人權的重視跨越邊界,而妳就對人家所重視的普世價值嗤之以鼻,郁啲就話人別有用心,干預中國,而家又死死地氣搵人幫手,咁代表乜?輸打贏要?有事鍾無豔?

香港和中國有緊密的互動交流,中國爆大鑊,香港難獨善其身。「武肺」壓境,就好似同政府扮鬼臉:「禁蒙面法」?嘿!更好笑係,張建宗今日見記者,一面咳一面講防疫工作,咁關公都有嘅,會不會是香港版的王廣發,另一個黑色笑話㗎?

廣告

 

作者 Facebook

發表意見