立場新聞 Stand News

【向《新假期》說不?】九十後女生推「着草地圖」 講私房景點談香港歷史

2017/9/6 — 12:59

「好似西環泳棚咁,《新假期》一年介紹咗幾多次?十九幾次!唔同名嘅特輯,其實只係不斷重複緊呢件事,完全無提過個 background,只是話你聽要點樣影相。」畢業於浸會大學視覺藝術學院的 Sharon 說。

十個後生,九個話移民。曾於歐洲做交換生的 Sharon 與同學 TT 有感於近年港人的消極心態,希望從解決香港景點介紹「太低質」的問題出發,改變港人不懂欣賞的心態。二人將於周末發佈「香港着草地圖」,用幽默的方法介紹私房香港好去處,道:「唔一定去 Starbucks 買杯嘢坐低,喺香港都有地方可以 escape!」

Sharon 和 TT 曾於歐洲留學半年,發現外國人普遍文化自信甚高,「即使做得麻麻都爭住話自己嘅啤酒最好,佢哋真係好中意好欣賞自己嘅地方」。反觀香港,TT 認為香港人喜歡凡事「鬧咗先」,對於自己的城市認識不多,也不懂得欣賞。香港是否只是「美食天堂、購物之都」呢?

廣告

法定古蹟上水塘石橋
(圖片由 Sharon NG 提供)

法定古蹟上水塘石橋
(圖片由 Sharon NG 提供)

廣告

回港之後,二人感嘆全城移民的熱潮,TT 道:「有錢嘅,走難咁移民;無錢嗰啲後生,好似我哋咁,講出走又話要去流浪」。她認為,出走和流浪皆是出於逃避現實的心態,但尋找呼吸空間不一定離開香港,「就算喺香港,我哋其實都好需要一啲地方 escape,唔一定去 Starbucks 買杯嘢坐低」。

「近年香港人好頹,勁消極,所以想諗吓有無啲幽默嘅方法,介紹返自己嘅城市。」Sharon 坦言,與拍檔討論之初,情緒頗為負面,後來才想到用「走佬」來包裝,令地圖更有趣味。她們想像一個人在香港要「走佬」,需要些甚麼配套,又有甚麼地方值得去,漸漸合成這份「香港着草地圖」。

「香港着草地圖」(部分)
(圖片由 TT 提供)

「香港着草地圖」(部分)
(圖片由 TT 提供)

「香港着草地圖」(部分)
(圖片由 TT 提供)

「香港着草地圖」(部分)
(圖片由 TT 提供)

去年十一月開始籌備至今,Sharon 和 TT 找出三十多個主權移交廿年,改變不大的本地私房景點,再搜集資料寫下景點背後的歷史。以西環泳棚為例,TT 笑言 instagram 有幾千張相關的照片、《新假期》亦介紹了好多次,「但無人去理過泳棚的歷史,點解最後一個喺嗰度」。Sharon 續道,雜誌介紹西環泳棚雖多,但「只係不斷重複緊呢件事,完全無提過個 background,只是話你聽要點樣影相」,而最多 like 的照片也只附有「言情小說或者偽文青式嘅 caption」,道:「好攞膽囉!我哋唔想好似《新假期》咁!」

和樂邨
(圖片由 Sharon NG 提供)

和樂邨
(圖片由 Sharon NG 提供)

地圖上景點沒有具體地址,也沒有前往方法,更沒有建議到訪時間。二人希望地圖不是大家獵奇的參考,而是重新認識和定義香港的機會。TT 笑道,真正走佬的人不會想被人發現行蹤,不會留下地圖,但她們偏偏要將「着草地圖」公訴於世,說:「走佬,係逃避緊個問題,但如果走佬嘅同時,你認識多咗香港,多少都改善個問題吧?」

「香港着草地圖」將於今個星期六下午在觀塘快閃派發,同日夜晚於艺鵠舉行「搞事派對」的發佈及分享會。成日話要出走的人,要不要去攞一張呀?

--

香港着草地圖搞事派對

日期:2017 年 9 月 9 日
時間:19:45 - 21:30
地點:艺鵠

發表意見