立場新聞 Stand News

珍寶海鮮舫,我在香港最喜愛的地方(之一)

2020/3/2 — 12:18

傳聞珍寶明日暫停營業至另行通知,那是我在香港最喜愛的地方之一。

我怕習慣了珍寶,過去十年只去過兩次。對上一次,原來正是五年前的今日。

記得第一次去珍寶,好興奮,因為呢次飲茶一定好特別,唔係落樓下飲完,返屋企睇星期六影院個隻——去珍寶飲茶,係一件事,一件要花時間準備,而且係全星期甚至全個月最delightful的事。

廣告

爸一早揸車到深灣停車場,落到碼頭先發現珍寶未開。我平生未試過等酒樓開門,但當時已經九點幾。結果全家回車上小憩一個鐘再回碼頭。

沙田都有敦煌畫舫,但只是一座扮船的樓,鋼筋水泥結構,但珍寶真是一部船。小艇駛過避風塘,踏上木甲板,還有小小海浪聲,感覺實在。

廣告

別忘記順路參觀旁邊的太白。本來太白、珍寶、還有海角王宮三艘畫舫鼎足而立。1998年,海角王宮售往菲律賓;太白在我第一次到珍寶時,已不覺得有營業跡象,更像是貨倉。但雕欄玉砌猶在,天花壁畫與龍柱仍展示畫舫的氣派。「太白」這個畫舫中的配角,要感謝《食神》,把他登上主角寶座。

珍寶官網仍有內部360度preview,或者可以睇《狂想曲》。唔知點解,敦煌、珍寶都有龍椅,係咪畫舫基本配置?不過敦煌張龍椅有個欄杆阻住,只能遠觀;珍寶則可以近距離觀賞。(好似俾錢可以坐同影相?唔記得)

另外,阿姆斯特丹有一座「海上皇宮」,我未去過。但我懷疑,以後要搵傳統港式粵菜畫舫,可能就要到11小時外的荷蘭了。

(原文刊於作者 facebook。文本無題,現題為編輯所擬。)

發表意見