立場新聞 Stand News

中國製 CS 催淚彈現場點清理?

2019/11/7 — 21:52

催淚彈

催淚彈

?咪玩啦,政府冇教點清潔 CS 現場,就咁就俾警察同市民行入去自生自滅??!

香港市民及警察請留意,射過中國催淚彈嘅地方係一定要清潔過先入得去㗎!(如果唔係有記者朋友問我,我都唔想講咁多,以免俾人 ban)

廣告

廣告
  1. CS 及其殘餘物係唔可以溶係水㗎!更加唔可以漂白水清潔因為會出更毒嘅嘢!,咁點搞??
  2. 要 1:1 (體積)水同甲醇(本身甲醇蒸氣有毒) +18% (重量)嘅通渠用嘅「哥士的」(NaOH, 氫氧化鈉)或 25% (重量)氫氧化鉀 (KOH) ,等 CS 及其殘餘物進行「加碱水解 (alkaline hydrolysis) 」,等啲產物溶係甲醇,再釋稀沖走(都係去咗雨水渠)。
    你地有冇見食環署啲同事點清潔吖??食環工友,你衰咗啦 ?
  3. 但由 CS 高温産生嘅嘢包括邻氯苯甲醛 (o-chlorobenzaldehyde, 與氯苯 chlorobenzene 近似),而高温下氯苯有 Al2O3 (氧化鋁,由高温鋁粉產生)係變到其中幾種二噁英 (dioxin) 㗎,佢係油溶性超穩定嘅致癌物,我真係唔識清理!外國要著住生化衣清潔!
  4. 可惜放 CS 嘅警察同示威巴絲唔知咁大鑊。我估係咁「美心惡婆」話要放棄你哋,不過我唔會放棄任何人!我問緊各方解決方法!
  5. Dioxins 嘅害處你自己 Google ! Madam 小心 n 年後 miscarriage 呀!亦希望前線絲冇事啦???。
  6. 政府各部門有識之士,係未有清楚安全數據及清理方法時,可以停用中國催淚彈嗎?!

當然你地有識之士可以唔理我呢個 「行山佬/化學佬/IT 佬/影相佬」 K. Kwong 係度廢 up 同廢 research papers cutting。咁全港市民要與 Dioxins 共存一D日子啦????。

我前幾日行大東山見到條蚯蚓係路中,我叫晒隊友避開佢唔好踏死佢。唔理你係藍絲、黄絲、警察、示威者,蚯蚓,我都唔想你地有事。因為大家同蚯蚓都係地球號太空船嘅船員,大家同係一條船上,冇必要見到你奶嘢唔出聲!!

May the Force be with You!

Sorry 此 Force 係 Obi Wan 果隻,唔係另一隻 Force!

原刊於作者 Facebook 專頁;此為立場修訂版本

發表意見