立場新聞 Stand News

要瞓夠,先有精神湊小朋友㗎嘛

2018/7/4 — 13:06

生下第一個,再有第二個小朋友後,筆者與太太開始發現自己跟「周公」的關係越來越疏離,尤其太太每晚都要餵母乳,「一覺瞓天光」對媽媽而言真的十分奢侈。睡眠不足精神不足,第二日又要上班,有了小朋友就連「補眠」都不是自己可控制的「核心內圍」。返工與照顧小朋友自然變得混混噩噩,累到自己都不知自己在做甚麼。

人人都知道睡眠不足會事倍功半,那究竟媽媽睡不夠又會唔會影響到照顧小朋友呢?

早在 2007 年就有研究發現,媽媽的睡眠質素會影響她們的心情及壓力,但很多時因為照顧小孩需面對和處理太多問題或事情,「媽媽夠唔夠瞓」這回事,很容易會被忽略。

最近一個伊利諾伊大學針對年齡介乎 11 至 18 歲的孩子與媽媽的研究發現,原來媽媽不夠休息,會令她們對孩子不守紀律時處理變得過份寬鬆,或對小孩做錯事時的教導及懲罰不一致。睡眠不足的媽媽會令孩子會較常覺得「做錯事媽咪完全無罰我」、「我想要乜媽咪都唔會拒絕」及「叫我做嘢都唔知我做咗未」等等。

廣告

負責這項研究的學者 Kelly Tu 就指出,睡眠質素低會影響媽媽身心健康甚至日常生活,令媽媽容易發脾氣,精神不夠集中處理孩子問題。當媽媽不處理孩子日常紀律問題時,孩子長遠就有更大可能出現有風險的行為問題,較嚴重的如濫藥或犯事等等。

Kelly 提醒父母要更重視自己的睡眠質素,父母通常會做很多事去幫小朋友入睡,但忽略了自己的睡眠質素,最終亦有機會影響到孩子。睡得更好的小貼士包括睡前不要喝含咖啡因的飲品、不要做劇烈運動、不要用智能電話,建立固定的睡眠時間等,都可以增加睡眠質素。

廣告

所以,當見到媽媽們行為怪異、好像會發脾氣般,千萬要「別怪她、別怪她」,不如問下:「佢係唔係唔夠瞓」。盡量幫忙照顧小朋友,讓她跟「周公」會一會,可能事情已可改善了!

參考資料:
Science Daily, Sleep better, parent better: Study shows link between maternal sleep and permissive parenting, 21 May 2018
Meltzer, L.J. &  Mindell, J.A. (2018). Relationship between child sleep disturbances and maternal sleep, mood, and parenting stress: A pilot study. Journal of Family Psychology, 21(1), 67-73. DOI: 10.1037/0893-3200.21.1.67 

原刊於作者 Facebook 專頁

發表意見