【周梓樂死因研訊】裁定「死因存疑」 周父哽咽:我哋兩個已盡晒力 真相仲爭少少

科大生周梓樂死因研訊長達近兩個月,橫跨 2020 至 2021 年,今日(9 日)終於來到尾聲,陪審團最後以大比數裁定,周梓樂死因存疑。周梓樂父親在研訊後,會見傳媒時一度哽咽,捂口沉默數秒後才繼續發言,「我覺得我同個仔講就話,我哋兩個已經盡晒力喇,個真相......仲爭少少,好似法官講」。他提到,疑點存疑即尚有不少疑點未解開,「我希望有生之年,個真相真係可以出到嚟」;周梓樂母親今晚亦首度開腔,向傳媒鞠躬後表示,「我淨係講一句,辛苦哂大家」。

談及對研訊結果的看法,周父認為是次裁決,代表事件仍有未解開的疑點,「我覺得存疑當然係有好多疑點都未解決到,先會存疑,我諗唔係淨係我諗,好多人都係咁諗」。他說,過去一段日子他們一直盡力尋找證人、翻看閉路電視片段,坦言感到疲累,未來會稍作休息,再考慮與律師團隊溝通,「我希望有生之年,嗰真相真係可以出到嚟,個真相唔一定要係畀人謀害,係意外都得㗎嘛,可以冇乜疑點底下,去成立個真相嘅事實出嚟,我覺得咁就 OK(可以)」。

周父徒步出法院後,主動走向傳媒的位置,「其實好多謝你哋,好似唔係淨係我哋兩個嘅事,你哋傳媒都有份」,他又對陪審團表示感激,指他們過去都相當認真追尋答案,無論如何都尊重他們的決定。他亦感謝法官及律師團隊,形容與他們在過去兩個月內的關係形同親人,在他情緒激動的時候給予安慰,最後又感激關心事件的公眾,「香港巿民其實都好關心呢件事,好多謝佢哋」。

死因庭晚上今晚 7 時半再開庭,陪審團經過兩日、十多個小時商議後,以四比一大比數裁定周梓樂死因存疑,並裁決周梓樂的受傷時間為 19 年 11 月 4 日約凌晨 1 時,地點為將軍澳尚德邨停車場 A。死因裁判官高偉雄在聽取陪審團裁決後,表示感謝陪審團的付出,又坦言「我哋同個真相已經好接近」,指如果閉路電視的角度可以高 5 度、轉慢數秒,可能就會有真相,但亦希望今次的死因研訊能夠解答一些疑問。

編輯推介

    發表意見