【迷你倉死因研訊】庭上播通訊機錄音 另隊呼叫:見到同事瞓咗喺度 嘗試搬佢出嚟

2016 年牛頭角淘大時昌迷你倉大火導致兩名消防員殉職,死因研訊今(29 日)續。庭上播放當晚通訊機錄音,顯示時任見習消防隊長邱曉生曾向入口指揮表示:「我同三個隊員仲未聯絡到」,兩分鐘後,「接更」的隊伍發現許志傑,「我哋見到一個同事瞓咗喺度啊,我哋依家嘗試搬佢出嚟」。邱表示對呼叫沒有印象,代表死者的律師質疑,邱當時沒有尋找隊員、呼叫「觀塘泵走啦」後自行離開;邱一概否認。

法庭播放案發當晚流動指揮車部分錄音:

7 時 08 分
觀塘泵主管:觀塘泵隊目,觀塘泵主管,over

7 時 10 分
入口指揮:觀塘泵主管,入口指揮啊,想請問下你哋依家係咪仲係同青山灣台喺 3 樓⋯3 樓進行緊任務?over

觀塘泵主管:入口指揮啊,觀塘泵主管啊,我同三個隊員仲未聯絡到,over

入口指揮:觀塘泵,係咪隊目啊?入口指揮啊,想 confirm 下你係咪同其他隊員一齊,over

觀塘泵(男聲,不確定是主管):聯絡到啊,over,聯絡到

7 時 12 分
觀塘泵主管:觀塘泵隊目,觀塘泵主管,over

青山灣台主管:一號樓梯指揮,青山灣台主管,我哋見到一個同事瞓咗喺度啊,我哋依家嘗試搬佢出嚟,over

入口指揮:roger roger,使唔使派多隊 BA 上嚟幫你哋,over

觀塘泵主管:青山灣台主管,觀塘泵主管啊,請問個隊員係咪觀塘泵隊員,over

青山灣台主管:正確正確,正確正確

7 時 15 分
入口指揮:青山灣台主管,想問依家上面情況如何,over

青山灣台主管:我哋依家秤緊佢出嚟,over

入口指揮:收到啊,你哋自己隊人可唔可以拉到個同事出嚟,over

青山灣台主管:聽唔聽到啊⋯我哋搬緊佢,將個同事搬緊出嚟啊,搬緊出嚟啊,over

觀塘泵主管:入口指揮,觀塘泵 go ahead,觀塘泵有兩個隊員到咗地下,我仲喺三樓

7 時 17 分
男聲:mayday!mayday!

青山灣台主管:拖緊佢出嚟,拖緊佢出嚟

對於曾呼叫入口指揮、聽過「你哋依家係咪仲係同青山灣台喺 3 樓進行緊任務」及「mayday」,時任見習消防隊長邱曉生表示沒有印象。代表死者許志傑的律師譚俊傑詢問,為何邱發現消防喉無水壓後,沒有即時離開現場,而是退後幾步蹲下休息;邱解釋,當時隊員的精神狀態尚算清醒,否認隊員曾說身體「頂唔住」,強調若情況危急會即時離場。

隊長未有向其他隊求救:心急諗唔到咁多

譚質疑為何邱不叫青山灣消防隊幫忙尋找其隊員,邱稱:「我當時心急想搵返佢哋,心急我諗唔到咁多嘢⋯⋯未確定真正失散,以為佢哋喺附近,想行多一兩步(尋找)。」譚又指,邱呼叫隊員不果後 3 分鐘,才通知入口指揮;邱指在火場內不知道時間,亦沒有印象說過「入口指揮啊,觀塘泵主管啊,我同三個隊員仲未聯絡到,over」。

譚指出,當時他們蹲下休息時,有隊員提出撤退;邱表示聽不到。譚續指其後隊員失散,邱沒有行前尋找隊員,呼叫「觀塘泵走啦」便自行離開;邱一律否認。

隊員:撤退時受鐵板阻礙 後與眾人失散

研訊主任下午讀出消防員袁耀強供詞。袁當日與見習消防隊長邱曉生、消防隊目許志傑及消防員徐建文進入火場,眾人受雜物影響步伐減慢,但成功爆開兩個倉鎖。不久,消防喉突然沒有水壓,他們拿著喉筆後退,在一個十字路口休息。袁感到體溫上升,同時有人要求撤退,隊員同意後把喉筆放在地上,以半蹲方式沿喉撤退。

袁撤退期間遇到鐵板不能前行,推開同移除障礙物亦不果。袁指其中一名隊員嘗試向另一方向走,欲跟隨他離開,惟自己遭繩或電線等物體勾住,被逼停下十多秒。他感到疲倦、呼吸加速及暈眩,但仍有意識找出路。他看到前方有一個人,但因感覺迷糊,不肯定對方身分。

他繼續沿光步出火場,發現長官扶著同事徐建文,故他以為隊長邱曉生、隊目許志傑已離開火場。袁到達休息區才知道許志傑未有跟隨隊員離開,並由其他隊伍搜救,袁則送往醫院檢查。早前有證供顯示,當時青山灣消防隊到火場「接更」;袁表示可能遭鐵板阻隔,聽不到相關呼叫,他形容該鐵板「推唔郁,高過我個人」。案件下周一(1 日)續審。

案件編號:CCDI-333、334/2016(SH)

編輯推介

    發表意見