楊天帥

楊天帥

心地善良是十分重要的。https://www.fb.com/yeungtinshui/

2019/8/17 - 19:38

【不割蓆日常練習】別說「他們錯了」,說「我們錯了」

立場新聞圖片

立場新聞圖片

機場單嘢討論仍在繼續。

睇連登、TG,好多人說﹕

「他們確實係做錯咗」

「他們沒有錯」

廣告

本文唔是想講有無錯。

我也自問是學習心態,寧願虛心聆聽各方觀點。

 

我想說的是,其實我們可否學習,

唔好再用「他們」做 subject,而學習用「我們」?

「我們確實係做錯咗」

「我們沒有錯」

可否練習,咁樣樣去講呢?

 

或者你認為,這只是捉字蝨,

勸我不用分得那麼細。

但我真心認為這是值得注意的。

想像一下吧﹗

你老母同你講﹕

「阿仔,等我教精你。」

OR

「阿仔,我哋一齊學習。」

兩句話其實內容差唔幾,但邊個順耳啲?

你話嘞。

 

第二句順耳,

係因為心態。

這心態的「好」有二。

 

其一是﹕表達意見的同時,也話畀對方知﹕「我認識到自己是何其不足」。

如我上次講,呢場運動無人能夠預計,無人可以做神軍師,

大家都係學習心態,

你話「他們」做錯,難道你肯肯定自己無錯?

 

其二是﹕明確話比對方知,咩叫「不割蓆」。

YES,「不割蓆」,就是,「講我們」。

和理非取得成果,勇武都有份;

勇武取得成果,和理非又有份。

如果有日,林鄭下台,

我哋會話﹕「我們成功了。」

而唔會話﹕「他們成功了。」

是吧。

咁點解失敗的時候、提出批評的時候,

卻係話「他們錯了」,而唔是話「我們錯了」?

 

我們不是同坐一條船嗎?

尋晚,繼平 BB 話﹕

「所謂的共同體,就是能想像他人痛苦,並且甘願彼此分擔的群體。」

確實,我們真是個共同體來的。

因為,我們甘願分擔彼此,包括對,與錯。

贏就一齊贏,輸是一齊輸。

我們是一體,我們是香港人。