立場新聞 Stand News

出席活動及演藝製作界記者會 回應抗疫基金 馬逢國多次哽咽一度落淚

2020/9/22 — 17:12

圖片來源:香港活動及演藝製作界台前幕後大聯盟直播截圖

圖片來源:香港活動及演藝製作界台前幕後大聯盟直播截圖

「香港活動及演藝製作界台前幕後大聯盟」今舉行記者會回應政府早前推出「防疫抗疫基金3.0」措施,體育演藝文化及出版界立法會議員馬逢國席間多度哽咽,談及抗疫期間工作時更一度激動落淚,他更點名批評政務司司長張建宗,指其一句說話令他「非常之難受」,「佢話希望得唔到幫助嘅朋友能夠識大體,咩叫識大體呢?我啲業界可能都有部分人已經慢慢變成大體」。

大聯盟召集人朱仲贀表示,對第三輪防疫抗疫基金感到失望,大量受疫情影響業界人士未能受惠。多個表演團體重申訴求,期望政府正面回應。

資助不應只求方便

廣告

席間,體育演藝文化及出版界立法會議員馬逢國最後發言回應業界訴求。他同意,第三輪抗疫基金對演藝界別的資助,「 唔係冇好消息,但係相當少」。以最早獲得資助的八和會館為例,他認為「佢哋嘅行業組織得相當好,又有好長嘅歷史,所以政府好容易回應到」。雖然如此,他認為牽涉經濟利益應該要做到公平,「我唔能夠接受嗰個行業組織得好 ,有機構可以幫佢(政府)就派得到(資助)」,而是應該要「想辦法將資源分配到畀有需要嘅人,唔係求一個方便」。他繼而直斥政府過去八個月未有主動識別有需要的業界人士,「佢哋自己組織唔到,政府都應該協助佢哋去組織。我覺得一個現代嘅政府係應該朝住呢個方向走。」

回歸後最忙的暑假

廣告

發言期間,馬逢國多次情緒激動哽咽。他坦言,原本計劃今年九月不再參選立法會議員就可享受暑假,「但我實在冇諗到最後呢一個暑假,係過去十年、甚至係回歸以後最忙嘅暑假」。他自稱抗疫開始以來,與業界和政府經常聯絡,已向不同政府官員發出四十幾封信,聯絡文件「已經有五吋厚」,「但係得返嚟嘅成果好有限」。

「我自己都問我自己到底我有冇做到議員個角色。」說到這裡,馬逢國落淚。「但當我一睇到業界咁多問題嘅時......雖然我嘅同事好多都因為抗疫居家工作......」其他與會人士遞上紙巾,他婉拒,拿出自己口袋的紙巾,拭淚,續說「後期我只可以留一位同事喺辦公室支援我」。

「禮拜六日, 我基本上都係議員辦公室,其實一個目的: 縱使佢哋唔係我嘅選民,我都有責任要幫佢哋。」

促政府「重新思維」

馬逢國指,業界向來「默默耕耘、自求多福」,但今次疫情是「好唔尋常嘅狀態」,加上停擺持續多時,從業人員都陸陸續續都出面求助。他又點名批評政務司司長張建宗,指其一句說話令他「非常之難受」,「佢話希望得唔到幫助嘅朋友能夠識大體,咩叫識大體呢?我啲業界可能都有部分人已經慢慢變成大體」。

他又形容,市民與政府關係密切,市民遇到困難時,政府能做得到的都係應該要做,「呢個首先係你作為政府嘅責任」。更進一步,他認為政府有責任主動找到有困難的人,給予援手, 「希望政府真係聆聽到業界真實嘅苦況,更加希望政府能夠重新思維。雖然你可能幫得到唔多,但係都係一份心意」。

發表意見