立場新聞 Stand News

【又香港電影工業已死?】田啟文憂國安法紅線飄忽創作難 高志森稱單一市場難養活港產片

2021/3/11 — 12:26

圖片素材來源:《視點31》片段截圖

圖片素材來源:《視點31》片段截圖

早前,游學修大戰蕭若元,再次掀起香港電影工業是否已死的討論。香港電影工作者總會會長田啟文(田雞)日前接受港台節目《視點31》訪問,亦提到本地電影工業情況,慨嘆 2019年反送中運動後,最常拍的警匪片都要調整情節,「我相信今日再攞《無間道》劇本出來話要拍合拍片,係唔拍得嘅。『警隊裡面點可能有臥底?你咁樣係中傷』」。他又透露自己對國安法紅線飄忽不定感憂慮。

高先影院負責人曾麗芬、游學修等「試當真」YouTube 頻道成員、知名導演杜琪峰、親中導演高志森等亦有接受港台訪問。游學修希望,電影可使香港人有共鳴,使觀眾有共同感受。曾麗芬則強調,「創作自由好重要,自我審查就好多嘢拍唔到」。

田啟文:今日難再拍《無間道》,容不下臥底情節

廣告

對於早前游學修及蕭若元對香港電影工業的激辯,田啟文直言「佢哋剝花生咋嘛,講有乜易啫,邊個唔識講?」他指若是要重返昔日港產片的光景,他同意蕭若元說法,可能性是零。但他相信,「在裡零嘅基礎裡面,如果有改變,咪唔係零。」

田啟文指出,80年代港產片有傳統東南亞及外埠市場,有時候甚至未拍已經賺錢,因外埠市場已準備好資金買片;到了90年代就到內地拍合拍片,「但由於到內地拍戲就要配合,第一唔拍得黃色(色情)、政治題材咪搞啦」,於是影人避開這些題材,不斷拍警匪片。

廣告

訪問另提到電影工業在2019年反送中運動後的轉變。田啟文指反送中運動後,最常拍的警匪片都要調整劇情,「我相信今日再攞《無間道》劇本出來話要拍合拍片,係唔拍得嘅。『警隊裡面點可能有臥底?你咁樣係中傷』」。他遂道:「咁電影裡面係需要有矛盾㗎嘛!內地觀眾點解咁鍾意睇香港片,就係因為係內地睇唔到啊嘛、冇咁暢所欲言啊嘛,你依家拍內地嘅戲比我睇,我洗乜睇你啫!」

對於國安法落實,田啟文亦有其憂慮,他舉例指假如現在拍有人在街上示威,涉及要大叫「光復乜,時代乜」的場景,電影工作者或可因此被捕。他直言,「如果我拍戲因為呢種唔清晰,而令到我.....喂,國安法依家重罪嚟㗎喎,呢啲令我哋(電影人)好擔心,如果你比咗條紅線我,我地咪知道囉,唔好搞呢啲啦。」惟現時仍沒有清晰指示紅線在哪,「所以我咪盡量一刀切,掂都唔好掂」。

最後,田啟文認為現時不應執著於「香港電影」的定義,不要為自己設局限,堅持「一定要拍香港故仔,咁呢個先係香港電影」,他直言這想法是錯的。他認為:「我係香港人,我拍出來嘅電影就係香港電影啦」。

高志森:港產片擺本地已死,必須在中國電影中成獨立旗幟

曾出席撐警大會的親建制導演高志森則表示,港產片未死,但港產片只靠香港單一市場無法養活港產片,「咁咪死囉」,若能將香港電影個各種不同類型「轉化、注入而成為中國電影的一部份」。他又不肯定國安法下是否還可以播放《十年》。

高志森又稱,香港電影若要進軍內地市場、想在內地收回電影成本,便要考慮內地對執法人員的看法,以及執法人員與黑社會之間的關係。他又表示,「港片擺喺本地已死,必須要喺中國咁大嘅電影市場,成為獨立嘅旗幟」。他支持發展「大灣區電影」,指一個大灣區的人口大過英國或法國。

 

發表意見