立場新聞 Stand News

周五起戲院重開 「高先四寶」重新上映

2020/8/26 — 14:33

大家努力在家抗疫多時,確診人數終見回落,戲院周五起重開,各位影迷有機會睇番啲心水電影了。雖然一年一度嘅國際電影節最尾都係要取消,錯過唔少新戲首映,加上今年係意大利電影大師費里尼(Federico Fellini)百歲冥誕,原本香港國際電影節協會與Italian Cultural Institute in Hong Kong攜手合辦「百年費里尼」節目,包括電影作品全展,但依家通通冇得睇了。唉,實在可惜。

但喺一堆壞消息中,都有好消息嘅,就係「高先四寶」會重新上映,姐係《叔.叔》、《金都》、《幻愛》、《戲棚》。之前趕唔切睇嘅觀眾,今次可以入戲院支持下港產片。小妹睇咗三寶,仲差《戲棚》未睇,係時候出動了。

以防大家未睇,小妹就不劇透了。但小妹覺得雖然「三寶」各有沙石,但算係近年比較少見、較具人文關懷嘅港產片,亦都感受到新導演們努力嘗試係商業片外、資源有限嘅情況下做創作。《叔.叔》中對老年同志的關懷、《金都》提出對婚姻的詰問以及《幻愛》中那愛與缺陷的呈現,也許大家走出戲院後,或多或少都能帶走一點什麼,或者有所共鳴吧。大家慨嘆香港電影已死多年,但其實還有影人一直默默耕耘,就多給點時間與機會,看看他們能不能殺出一條新血路吧。

廣告

 

廣告

發表意見