立場新聞 Stand News

威尼斯建築雙年展有條「月球村」

2021/5/1 — 15:29

成日都話地球好危險,要移民火星或月球,今屆威尼斯建築雙年展,真係有條「月球村」,模擬人類在月球表面生活,遙望地球。

因應武漢肺炎疫情,第十七屆威尼斯國際建築雙年展由 2020 年延至今年 5 月至 11 月舉行,其中一份展品大叔我相當感興趣,就係由建築公司 skidmore, owings & merrill (SOM) 同歐洲航天局(ESA)合作推出嘅「月球村(Moon Village)」。太空旅行講咗幾年,我一直好想試下,但有命等到嗰時,都肯定唔會有錢去啦。唉。但見到 SOM 呢個模擬月球生活嘅計畫,就好想親眼睇下係點。原本,飛去威尼斯嘅機票,阿叔都買得起嘅,但依家畀武肺咁搞法,唔洗旨意去啦。

「月球村」概念早在2019年經已提出,由SOM與ESA和麻省理工學院(MIT)教員合作,以全新方式實施月球定居的總體規劃、設計及工程。總體規劃所設想的月球村坐落在南極地區沙克爾頓環形山的邊緣,位於「永恆之光頂峰(peaks of eternal light)」之上,幾乎全年持續日照,預計可支持實現自給自足式定居的目標。

廣告

根據SOM官網介紹,「月球村」的模塊結構設計是一個剛柔並濟的混合系統,由兩個關鍵部分組成:一個強硬的外圍框架,和一個集結多層組件與環境保護系統的充氣結構外殼。不同於其他以結構和機械繫統為中心的充氣設計,此解決方案允許更加靈活的內部佈局,以優化環境條件、送風和回收、能見度、工作站靈活性,以及空間之間的活動。此項目抓住了在極端環境條件下探索新型外星建築技術的機會。

SOM 與 ESA 將於本屆威尼斯建築雙年展,向大家展示「月球村」項目的模型、動畫與設計圖。唉,但大叔我都係要繼續被困香港。多得武肺。

廣告

 © SOM | slashcube GmbH

© SOM | slashcube GmbH

 © SOM | slashcube GmbH

© SOM | slashcube GmbH

 by lucas blair simpson © SOM

by lucas blair simpson © SOM

 

發表意見