立場影像

立場影像

2020/3/2 - 22:25

【專訪】被控暴動 歌手莊正唱香港人的痛

去年11月「理大圍城」,市民「遍地開花」營救被困示威者,其間警方在油麻地拘捕 60 人並控以暴動罪,歌手莊正(Lester)是其中一人。與唱片公司解約後,他未有放棄創作,以獨立歌手的身分推出單曲〈Will (not) see you soon.〉,談的是社會事件下,人們的恐懼、不安與無力感。

「我估恐懼都係嚟自於對於未來嘅不確定。」莊正憶述被捕一刻只感到害怕,憂慮接下來要面對的事又擔心家人情況,定過神來,才有空為工作打算。本身苦候多年才終於在去年正式出道,莊正幾經掙扎,還是決定主動和原先所屬的唱片公司 Sony Music 解約,「唔想其他藝人都會受我影響」。

轉為獨立歌手,莊正不少工作都要一腳踢,訪問當天,他便隻身帶記者到他和朋友的工作室拍攝。言談間,他總是笑容滿面,即使講到自己官司纏身也是語帶輕鬆,但原來保釋初期,他也經歷過一段意志消沉的日子,試過經常發類似場景的惡夢,見過自己雙手被綁,在漆黑的大廈逃跑,「我唔會去逃避恐懼,我反而會去觀察佢,先會了解到我恐懼啲咩。」

廣告

〈Will (not) see you soon.〉這首歌便是莊正透過觀察自己和社會所寫而成,「感覺到呢個地方充斥住無力感同埋恐懼的氛圍,睇到很多新聞話有人被⋯⋯我唔可以肯定係「被自殺」,或者應該講好多人自殺。究竟我會唔會都會變成咁?所以我就嘗試去紀錄低呢種感覺。」對於歌曲細節,莊正未有多作解釋,反而是網民發現,創作者在歌曲末段,插入了 15 歲少女陳彥霖的聲帶,宣傳圖片又暗藏「721」字眼。

經歷這場社會運動,莊正認為不少人心靈都需要安撫,「好多朋友都同我講,睇直播嘅時候見到啲畫面會喊。無論佢哋係唔係前線都好,都需要一個方式去抒發。」他希望這首歌能慰藉港人心靈,就像身邊朋友和你分憂。

「經過舊年同呢一兩個月之後,我諗所有人的軌跡都唔一樣了,所以我覺得,我只是跟其他人差唔多,我只係咁啱被人拉咗。」但面對暴動罪最高 10 年的刑期,莊正坦言還是會感到不安,「如果真係會坐監嘅話,所有嘢就控制唔到,因為我已經冇晒所有自由,坐監最大的痛苦便是沒有自由。宵禁要 11 點之前返屋企,呢樣嘢已經開始體會到,有啲自由已經無可避免地失去咗。」

莊正害怕失去自由,更加抓緊現有的自由。他說自己經歷的事多了,更加想透過音樂表達所想,所以他現時最希望做好自己的音樂,作為紀錄香港的一塊拼圖,「我會覺得好似完滿咗自己。」