立場新聞 Stand News

【掂唔掂㗎】許誠毅監製 久石讓配樂 大陸電影《赤狐書生》

2020/12/18 — 12:57

負責多部吉卜力動畫配樂的大師久石讓原本12月要來港,與港樂合演一系列作品,包括《魔女宅急便》組曲。大叔當時一聽到消息仲好興奮,準備撲飛了。但武漢肺炎加上個無能政府永遠後知後覺,又冇得睇啦。雖然冇得睇現場,但最近發現大師有新搞作,為中國奇幻動作電影《赤狐書生》操刀配樂。

大師盛讚《赤狐書生》係一部好好嘅電影,仲貌似好鍾意咁,「這雖然是一部奇幻動作電影,但對兩個年輕主人公之間友情故事的刻劃,可謂非常細膩。我喜歡!」大師今次於疫情下接受邀請操刀配樂,同電影團隊透過網上會議討論音樂細節和處理。為咗配合電影中眾多妖怪嘅特色同性格,久石讓仲特登組建咗一個39人的交響樂團希望音色更為豐富。另為增加故事的神話色彩,用咗配樂中少見的樂器「哨笛」,大師指其音色和電影中的中國元素很貼近。

日本作曲家久石讓

日本作曲家久石讓

廣告

劇情簡介是咁的:「清貧書生王子進(陳立農 飾)赴京考試,途中遇上下凡取丹的小狐妖白十三(李現 飾)。白刻意親近王,目的是騙取王的感情,令王甘願捨命,任白取其丹,白就能因此晉升狐仙。但沒想到取丹路上,一人一狐竟成了莫逆之交。在歷盡萬險後,白必須在友情與成仙之間作出終極抉擇⋯⋯⋯」

廣告

另外,《赤狐書生》嘅電影特效同鬼怪設計,就由《捉妖記》系列導演許誠毅主理。同時由許誠毅做《赤狐書生》監製。弱弱一提,《捉妖記》就係傳說中票房好,但口碑極差嘅電影,兩集係豆瓣嘅評分都係麻麻地。《赤狐書生》導演係伊力奇、宋灝霖,主演係陳立農和李現。阿叔孤陋寡聞,唔識兩位大陸導演,google 完都唔知係咩料,算啦,我放棄了。主演阿叔就聽過個名嘅,都略知大陸好多妹妹仔鍾意,但大叔我真係零興趣,再睇埋trailer 佢哋啲浮誇演技,真的不了。

雖然有久石讓,但大叔我都係不了。感覺坐到入戲院,都會睇到想界凳。

劇照(安樂影片提供)

劇照(安樂影片提供)

劇照(安樂影片提供)

劇照(安樂影片提供)

劇照(安樂影片提供)

劇照(安樂影片提供)

劇照(安樂影片提供)

劇照(安樂影片提供)

發表意見