立場新聞 Stand News

【日本潮甚麼】仲講「令和」?今期流行安倍晉三﹗

2019/5/3 — 20:03

平成令和講足一個禮拜,唔講以為香港係日本一部分(顛覆國家,我道歉)。但到今日你仲講緊「令和」乜乜乜嗎?Out 啦!今期流行安倍晉三囉!

當大家歡送緊平成的時候,日本網民在 Twitter 悄悄埋下一個核彈――即將發佈「日本國會戀愛模擬遊戲」(こっかいぐらし)?!

日本網民向來想像力無邊際,今次運用政治人物的相片,加上戀愛模擬遊戲常見的對言框框,加入情意綿綿,又笑意連連的對白。問你死未!本來,網民是想惡搞下因為發表新年號而人氣大熱的內閣官房長官菅義偉,但創意之火可以燎原,仲燒到一發不可收拾,連首相安倍晉三都成為戀愛對象。

廣告

安倍:「不要離開我...如果你離開了,我就只增你的稅」

Twitter 圖

Twitter 圖

廣告

安倍:「這件事就當兩個人的祕密吧?如果跟別人說就要懲罰你」

Twitter 圖

Twitter 圖

安倍:「如果用漢字來比喻我們的關係,那應該就是...『永遠』吧」

Twitter 圖

Twitter 圖

睇嚟,日本網民一定係十日連假太無聊,所以要搵啲嘢嚟玩。估你唔到嘅係,過幾日,安倍晉三又成為話題,今次唔係一般網民,而係神級畫師天野喜孝!

天野喜孝發佈新作,新作喺邊度?竟然係自民黨官網!呢個系列係用嚟宣傳令和新時代,但用上傳統的水墨筆觸……重點係,呢個真係安倍?唔好問我,但寫係咁寫啦……FF 成咁,真係連「國會戀愛模擬遊戲」都比唔上。

令和新時代啟動創意大爆發,實在令人期待。計我話,放多啲假最實際,啲人無嘢做,無無聊聊就會 FF 整埋呢啲 LOL 嘢。你話唔係咩?搞創意,第一步一定係放假啦!

發表意見