立場新聞 Stand News

東九文化中心藝術品徵集 網頁配圖竟是西九文化區?!

2020/3/27 — 17:00

圖片來源:政府新聞網截圖

圖片來源:政府新聞網截圖

大家如果近年有行經九龍灣港鐵站,會發現附近有個起咗好耐都未搞掂嘅地盤,其實就係傳說中嘅東九文化中心。作為附近街坊,自2016年起,就聽佢日鑽夜鑽,其實都辛苦,但每次一諗到屋企附近多個大型藝文場地,以後睇show方便啲,唔洗山長水遠走入西九,就會同自己講,唔怕!戴返個耳塞,好快過!要知道,人去到一把年紀,好多嘢都可以 let it go。就好似,見到政府新聞網為「東九文化中心公共藝術作品委約計劃」配咗張寫著「西九文化區」五大字嘅圖,我都頗為冷靜。畢竟香港政府犯低級錯誤,都唔係一日兩日嘅事了。

政府新聞網截圖

政府新聞網截圖

廣告

Anyway,講番呢個東九文化中心,近日藝術推廣辦事處為中心的興建,正籌劃公共藝術作品委約計劃,希望藉著公共藝術創作,豐富中心的視覺藝術效果。計畫現正徵作品提案,邀請創意人才包括設計師、建築師和藝術家等參與。據政府新聞網簡介藝術推廣辦事處Facebook介紹,作品將圍繞五個主題:回憶、印象、時刻、夢想、想像;獲選的作品希望具備「躍動/動態、活力、與建築互動、劃時代、藝術的親切可及」等特色,期望作品可連繫區內不同社群,展現其凝聚力及九龍東的歷史文化特色。提案申請於5月4日晚截止。 

公共藝術當然要有在地連結。東九文化中心旁就是九龍灣連儂牆,該處集結了不少街坊心聲及港人回憶。不知會否有藝術家考慮到其地理位置及周邊環境,將連儂牆巧妙融入其創作之中? 回憶、印象、時刻、夢想、想像,大叔此刻憶起的,都是半年前街頭上的觸目驚心,夢想的是,煲底除罩相見那天。

廣告

 

發表意見